राजकारण:भाजप शहराध्यक्षपदासाठी चाचपणी;‎ निरीक्षकांवरच पदाधिकारी नाराज‎‎

नाशिक‎ भाजपा शहराध्यक्ष निवडीसाठी प्रदेशाध्यक्ष‎ चंद्रकांत बावनकुळे यांच्या आदेशानुसार‎ पक्षाच्या निरीक्षक माधवी नाईक यांनी पक्ष‎ कार्यालयात सलग दुसऱ्या दिवशीही काही‎ प्रमुख पदाधिकाऱ्यांशी चर्चा केली. मात्र,‎ याचवेळी पक्षाच्या एका ज्येष्ठ माजी‎ पदाधिकाऱ्याला ही चर्चा समजताच त्यानी‎ पक्ष कार्यालयात धाव घेत निरीक्षकांनाच‎ जाब विचारला.

मोजक्याच पदाधिकााऱ्यांना‎ कसे बेालावले? आम्ही इतके वर्ष पक्षात‎ एकनिष्ठ राहून काम करतोय, अशा शब्दात‎ विचारणा केल्याने निरीक्षकही बुचकळ्यात‎ पडले. मात्र, वेळीच ज्येष्ठ नेत्याने मध्यस्थी‎ करीत वादावर पडदा पाडला.

‎ याचवेळी ग्रामीण जिल्हाध्यक्ष पदासाठीही‎ इच्छुक पदाधिकारी व तालुकाप्रमुखांशी‎ त्यांनी चर्चा केली.‎ भाजपा शहराध्यक्ष गिरीष पालवे यांचा‎ कार्यकाळ पुर्ण हेाऊन तीन महिन्यांचा‎ कालावधी लोटला आहे. नवीन शहराध्यक्ष‎ व जिल्हाध्यक्ष नियुक्तीसाठी इच्छुकांकडून‎ मोर्चेबांधणी सुरू असतानाच बुधवारी (दि.‎ १०)अचानक पक्षाच्या निरीक्षक अॅड.‎ माधवी नाईक यांनी नाशकात‎ पदाधिकाऱ्यांशी चर्चा केली. शहराध्यक्षपदी‎ व्यक्ती कसा असावा? असा प्रश्न उपस्थित‎ करीत इच्छुकांशीही नाईक यांनी संवाद‎ साधला.

ग्रामीणला आता तीन जिल्हाध्यक्ष मिळणार‎

आगामी स्थानिक स्वराज्य संस्था‎ व लोकसभानिवडणूका लक्षात‎ घेता नाशिक जिल्हाध्यक्षपद‎ लाेकसभा मतदारसंघनिहाय‎ विभागणी करण्याचे निश्चीत‎ करण्यात आल्याची माहिती‎ देण्यात आली. यात, उत्तर नाशिक‎ आणि दक्षिण नाशिक आणि‎ मालेगाव स्वतंत्र अशी विभागणी‎ करण्यात येणार असल्याचे‎ सांगण्यात आले.

कोणत्या तालुक्यात कोण इच्छूक?

यामध्ये उत्तर‎ नाशिकमध्ये कळवण, सटाणा,‎ येवला, चांदवड, निफाड, नांदगाव‎ यांचा तर दक्षिण नाशिकमध्ये‎ सिन्नर, दिंडोरी, पेठ, सुरणा,‎ त्र्यंबक, इगतपुरी तालुक्यांचा‎ समावेश करण्यात येणार अाहे.‎ मालेगाव जिल्हा स्वतंत्र आहे.‎ यात, विद्यमान जिल्हाध्यक्ष केदा‎ आहेर यांच्यासह सरचिटणीस प्रा.‎ सुनील बच्छाव, कैलास सोनवणे,‎ भूषण कासलीवाल, सतीश मोरे,‎ शंकर वाघ इच्छुक अाहेत.

तर‎ दक्षीण जिल्हाध्यक्षपदासाठी‎ अजय दराडे, नितीन गायकर,‎ पांडुरंग बऱ्हे, भाऊसाहेब कडभाने‎ यांचा समावेश आहे. इच्छुकांशी‎ मुलाखतींचा अहवाल‎ प्रदेशाध्यक्षांकडे सादर केला‎ जाणार असून या महिन्या‎ अखेरीस नियुक्त्या केल्या जाणार‎ असल्याचे सांगण्यात आले.‎

नक्की प्रकरण काय?

विजय साने, लक्ष्मण सावजी यांच्यासह विद्यमान‎ शहराध्यक्ष गिरीश पालवे, सरचिटणीस प्रशांत जाधव,‎ सुनील केदार, गणेश गिते, अनिल भालेराव, हिमगाैरी‎ अाडके, दिनकर पाटील यांच्याशी चर्चा केली. दुसऱ्या‎ दिवशी गुरूवारी (दि. ११) पुन्हा नाशिक जिल्ह्यातील‎ पदाधिकाऱ्यांच्या बैठकीनिमित्त नाईक यांनी निवडक‎ नेत्यांशी चर्चा केली. याचवेळी काही‎ इच्छुकांनीदेखील हजेरी लावली. ही माहिती इतर‎ पदाधिकाऱ्यांना समजताच त्यांनीही कार्यालयात धाव‎ घेतली. माेजकेच पदाधिकारी बघून या‎ पदाधिकाऱ्याला राग अनावर हाेऊन त्याने जाहीरपणे‎ नाराजी व्यक्त करीत नाईक यांनाच जाब विचारला.‎

गेल्या २० वर्षांपासून पक्षात सक्रिय असताना अाम्हाला‎ बैठकीलाही बाेलावले नाही की अामचा विचारही‎ केला जात नसल्याचे खडे बोल सुनावले. याचवेळी‎ इतर पदाधिकाऱ्यानी त्यांची समजूत काढण्याचा‎ प्रयत्न करीत वाद मिटविला. हा प्रकार बघून नाईक‎ यांनीदेखील शहराची चर्चा बंद करून आटोपते घेतले.‎