तरुणांना रोजगार:नवउद्योजकांसाठी 23 मेपासून‎ उद्योजकता विकास प्रशिक्षण‎, प्रवेश क्षमता 40 जागांची; राेजगारनिर्मितीसाठी प्रयत्न‎

नाशिक‎ महाराष्ट्र उद्योजकता विकास केंद्राद्वारे‎ नवउद्योजकांना स्वत:चा व्यवसाय सुरू‎ करण्यासाठी आवश्यक असलेले‎ उद्योजकता विकास प्रशिक्षणाचे अायोजन‎ करण्यात आले आहे. २३ मे २०२३ ते २ जून‎ २०२३ या कालावधीत हे प्रशिक्षण दिले‎ जाणार आ​​​​​​​हे. एका बॅचसाठी ४० जागांची‎ मर्यादा आ​​​​​​​हे.‎

उद्योग उभारणीतील विविध टप्पे, प्रकल्प‎ अहवाल, विविध व्यावसायिक नोंदणी व‎ परवाने, शासनाच्या विविध कर्ज योजनांची‎ व अनुदानाबाबत सविस्तर माहिती, उद्योग‎ व्यवसायाच्या कामासाठी कुठे संपर्क‎ साधावा तसेच यशस्वी उद्योजकांचे मनोगत‎ या बाबींचा अंतर्भाव असेल.

शासकीय कर्ज‎ योजनांच्या लाभासाठी प्रशिक्षण पूर्ण करणे‎ बंधनकारक आहे. तसेच स्वत:चा स्वतंत्र‎ व्यावसाय सुरू करावा या प्रमुख उद्देशाने हा‎ प्रशिक्षण उपक्रम सुरू केला आ​​​​​​​हे. त्यासाठी‎ उमेदवाराचे वय किमान १८ असावे. २२ मे‎ पूर्वीच आ​​​​​​​पला प्रवेश निश्चित करावा,‎ त्यासाठी सातपूर आयटीआयजवळील‎ उद्योग भवन इमारतीतील प्रकल्प आधिकारी,‎ एमसीइडी नाशिक विभाग या कार्यालयात‎ संपर्क करावा. अथवा ८८८८०८२८११ या‎ क्रमांकावरही संपर्क करता येईल.‎