उंटांची वाहतूक:151 उंटांचे लसीकरण, टॅगिंग; राजस्थानला पाठवणार‎, श्रीमद‌ रामचंद्र मिशन करणार सहकार्य

नाशिक‎ शहरासह जिल्ह्यात आढळून आलेले सर्व १५१ उंट हे राजस्थान‎ येथे रवाना करण्याचा निर्णय जिल्हा प्रशासनाने घेतला आहे.‎ गुजरातमधील प्राण्यांसाठी कार्यरत असलेले श्रीमद राजचंद्र‎ मिशनच्या सहकार्याने प्रशासन या उंटांना राजस्थान येथे‎ पाठवणार आहे.

विशेष म्हणजे सर्व उंटांचे लसीकरण करण्यात‎ येऊन टॅगिंग करण्यात येणार आहे.‎

नक्की प्रकरण काय?

तपाेवन परिसरात १११ उंट आढळून आले होते. कत्तलीसाठी हे‎ उंट नेण्यात येत असल्याचा संशय प्राणिप्रेमींकडून व्यक्त होत‎ होता. याच पार्श्वभूमीवर प्राणिप्रेमींनी उंट हे पांजरापाेळ येथील‎ गाेशाळेमध्ये पाेहचविले होते. याचप्रमाणे मालेगाव येथे देखील‎ ४२ उंट होते. या प्रकरणाच्या चौकशीचे आदेश पालकमंत्री दादा‎ भुसे यांनी दिले होते.

या उंटांसाठी राजस्थानातील वातावरणच‎ अनुकूल असल्याने तेथील एका संस्थेत त्यांना पाठविण्यात येत‎ आहे. त्यासाठी गुजरातमधील राजचंद्र मिशन ही संस्था मदत‎ करणार असून गुरुवारी (दि. ११) या संस्थेचे पदाधिकारी माहिती‎ संकलित करणार आहेत.‎

राजचंद्र मिशनच्या वतीने राजस्थानमधील एका‎ संस्थेचे नाव उंटांचा सांभाळ करण्यासाठी सुचविण्यात‎ आले आहे. त्यादृष्टीने लसीकरण व टॅगिंग करत उंटांना‎ रवाना करण्याचे नियोजन करण्यात येत आहे.‎ - नरेशकुमार बहिरम, तहसीलदार, नाशिक‎

तीन उंटांचा झाला मृत्यू‎

पांजरापोळ येथील गाेशाळेत ठेवण्यात अाल्याने १११‎ उंटापैकी ३ उंटांचा मृत्यू झाला आहे. यामुळे उर्वरित १०८‎ व मालेगाव येथे आढळून आलेले ४३ असे १५१ उंट‎ राजस्थान येथे पाठवण्याबाबत प्रशासनाकडून नियाेजन‎ करण्यात येत आहे. लसीकरण व टॅगिंग पूर्ण करत‎ आठवडाभरात ही प्रक्रिया पूर्ण केली जाणार आहे.‎

उंटाच्या मालकांचा‎ शोध लागेना‎

शहरासह जिल्ह्यात मोठ्या‎ प्रमाणावर आढळून आलेल्या या‎ उंटाचे मालक काेण, हे उंट कुठे‎ नेण्यात येणार होते या प्रश्नांचे‎ उत्तर अद्यापही मिळालेले नाही.‎

उंटाची वाहतूक पायीच

राजस्थानला उंटांची वाहतूक ही‎ पायीच केली जाणार आहे.‎ उंटांची संख्या व त्यांना पायी‎ चालण्याची सवय या सर्व गाेष्टी‎ लक्षात घेण्यात अाल्या आहेत.‎