विभागीय आंतरशालेय शूटिंग 2023 स्पर्धा:नाशिक जिमखानाची नेमबाज मयुरी सांगळे हिला रौप्य, अर्णव कापडणीस याला सुवर्ण

क्रीडा व युवकसेवा संचालनालय, महाराष्ट्र राज्य, पुणे अंतर्गत जिल्हा क्रीडा परिषद व जिल्हा क्रीडा अधिकारी कार्यालय, नाशिक आणि जिल्हा नेमबाजी संघटने मार्फत आयोजित विभागीय आंतरशालेय शूटिंग 2023 स्पर्धा भीष्मराज बाम मेमोरियल शूटिंग रेंज सातपूर येथे विविध गटात स्पर्धा संपन्न झाल्या. या स्पर्धेत नाशिकमधील सर्व शाळेतील 90 स्पर्धक (विद्यार्थी) सहभागी झाले होते.

पुरस्कारार्थीचा पदकं देऊन सन्मान करण्यात आले. यामध्ये सर्व नेमबाजांनी उल्लेखनीय कामगिरी केली. या स्पर्धेत पीप साईड एअर रायफल खेळ प्रकारात मराठा हायस्कूलच्या इयत्ता आठवीतील मयुरी सांगळे हिने 17 वर्षाखालील वयोगटात अतितटीच्या लढत ठरलेल्या लढतीत दुसरा क्रमांक मिळवून रजत पदकाची कमाई केली व होरायझन स्कूलच्या इयत्ता आठवीतील अर्णव कापडणीसने 14 वर्षाखालील वयोगटात प्रथम क्रमांक मिळवून सुवर्ण पदकाची कमाई केली. त्यांच्या या विजयामुळे त्यांची राज्यस्तरीय स्पर्धेसाठी पात्र झाले आहे.

स्पर्धेतील विजेत्या सर्व खेळाडूंना प्रभारी क्रीडा अधिकारी पाटील व शिवछत्रपती पुरस्कार प्राप्त आंतरराष्टीय खेळाडू, प्रशिक्षक व पंच श्रद्धा नालंमवार यांच्याहस्ते पदके देऊन गौरविण्यात आले. याप्रसंगी प्रशिक्षक, पालक व विद्यार्थी मोठ्या संख्येने उपस्थित होते. स्पर्धा यशस्वी करण्यासाठी सौरव व्यवहारे, निलेश गरुड व मनोज जोशी यांनी श्रद्धा नालांमवार यांच्या मार्गदर्शनाखाली पंच म्हणून काम पाहिले. हे दोन्ही नेमबाज नासिक जिमखान्याच्या शूटिंग रेंजवर प्रशिक्षक श्रद्धा नालंमवार व गणेश दराडे यांच्या मार्गदर्शनाखाली नियमित सराव करतात

नाशि जिमखानाच्या रायफल नेमबाज यांचा या यशाबद्दल संस्थेचे अध्यक्ष नरेंद्र छाजेड, उपाध्यक्ष नितीन मोडक, अनिल चुंबळे, सचिव राधेश्याम मुंदडा, कोषाध्यक्ष नितीन चौधरी, सहसचिव शेखर भंडारी, अलीअसगर आदमजी, अभिषेक छाजेड, प्रमोद रानडे, राजेश भरवीरकर, शूटिंग सचिव मिलिंद जोशी, झुलकरनैन जागिरदार आदींनी पदक विजेत्या खेळाडूंचे अभिनंदन करून वाटचालीला हार्दिक शुभेच्छा दिल्या.

पदक विजेते खेळाडू

पीप साइट एयर रायफल

17 वर्षाखालील मुली

मयुरी सांगळे - रजत पदक (92, 95, 95, 94 एकूण 376)

14 वर्षाखालील मुले

अर्णव कापडणीस - सुवर्ण पदक (88, 81, 90,92 एकुण 351)