दिव्य मराठी विशेष:पथविक्रेत्यांना कर्ज देण्यात नाशिक राज्यात प्रथम‎

‘प्रधानमंत्री पथविक्रेता‎ आत्मनिर्भर निधी’ (पीएम‎ स्वनिधी) योजनेत पथविक्रेत्यांना‎ सर्वाधिक कर्जवाटपाचा बहुमान‎ नाशिक महापालिकेने मिळवला.‎ कोल्हापूरला मागे टाकत राज्यात‎ नाशिकने प्रथम क्रमांकाचे स्थान‎ मिळवले आहे. १७८४० इतके‎ उद्दिष्ट असताना शहरात २२०८६‎ पथविक्रेत्यांना कर्जाचे वितरण‎ करण्यात अाले.‎ केंद्र सरकारने १ जून २०२०‎ पासून कर्ज याेजना अाणली.‎

नाशिक मनपाला १७,८४० चे‎‎‎‎‎‎‎‎‎‎‎ उद्दिष्ट प्राप्त झाले आहे. या‎ अनुषंगाने २६,२३४ पथविक्रेत्यांनी‎ योजनेसाठी बँकेकडे ऑनलाइन‎ अर्ज केलेले आहे. बँकांनी‎ २४,५८४ कर्ज प्रकरणे मंजूर‎ केलेली आहेत. त्यापैकी २२ हजार‎‎‎‎‎‎‎‎‎‎‎ ०८६ पथविक्रेत्यांना आतापर्यंत‎ कर्जाचे वितरण झालेले आहे. या‎ योजनेकडे फक्त पथविक्रेत्यांना‎ कर्ज द्यायची योजना असे न बघता‎ त्यांच्या आर्थिक सामाजिक‎ समावेशक प्रगतीवर भर देण्याच्या‎‎‎‎‎‎‎‎‎‎‎ सूचना दिल्या आहेत. त्याचप्रमाणे‎ पथविक्रेत्यांना डिजिटल‎ माध्यमाबाबत प्रशिक्षित करणे व‎ त्याचा वापर करण्याच्या‎ दृष्टिकोनातून डिजिटल पेमेंट‎ एग्रीगेटर यांच्या साह्याने‎‎‎‎‎‎‎‎‎‎‎ पथविक्रेत्यांचे डिजिटल‎ ऑनबोर्डिंग प्रशिक्षण देण्यात येत‎ आहे.

१४००० पथविक्रेत्यांची सोशल इकोनॉमी प्रोफाइल‎
केंद्र शासनाने पीएम स्वनिधी योजनेंतर्गत सामाजिक आर्थिक सर्वेक्षण‎ (सोशल इकॉनॉमी प्रोफायलिंग) करण्यासाठी देशभरातून पहिल्या टप्प्यात‎ १२५ पायलट शहरांमध्ये नाशिक मनपाची निवड करण्यात आली आहे.‎ मनपाने १४,२३४ पथविक्रेत्यांची सोशल इकोनॉमी प्रोफायलिंग भरून अव्वल‎ स्थान मिळविले आहे. पथविक्रेत्यांना जास्तीत जास्त फायदा मिळण्यासाठी‎ केंद्र शासनाने ''स्वनिधी से समृद्धी'' अभियान सुरू केले आहे.‎