..तर होणार शुल्क कपात:पालिकेत भरती; उमेदवाराकडून‎ घेणार 675 रुपये परीक्षा शुल्क‎, जूलैमध्ये होणार भरतीला सुरूवात

नाशिक‎ अग्निशमन विभागातील ३४८, आरोग्य व‎ वैद्यकीय विभागातील ३५८ अशा एकूण ७०६ जागांच्या भरतीसाठी पालिकेने प्रक्रिया गतिमान ‎केली असून एका पदासाठी टीसीएस कंपनी ६७५ ‎रुपये आर्थिक मोबदला घेणार आहे.

‎नोकरभरतीसाठी सॉफ्टवेअर अॅप्लिकेशन ‎डेव्हलपमेंटचे काम सुरू झाले असून जुलैमध्ये ‎प्रत्यक्षात भरती प्रक्रियेला सुरुवात होण्याची‎ शक्यता आहे.‎

कोणती पदे रिक्त?

महापालिकेत ‘क'' वर्ग आस्थापना ‎परिशिष्टावरील विविध संवर्गातील मंजूर ७०८२ ‎पदांपैकी २८०० पदे रिक्त आहेत. मध्यंतरी‎ आस्थापना खर्च ३५ टक्क्यांपेक्षा अधिक ‎ ‎ असल्यामुळे नोकरभरतीत अडचणी होत्या.‎

मात्र, कोरोनाच्या पार्श्वभूमीवर महापालिकेला‎ आरोग्य, वैद्यकीय व अग्निशमन विभागातील‎ ७०६ पदांच्या भरतीला मान्यता मिळाल्याने‎ टिसीएसकडून भरतीसाठी आवश्यक‎ सॉफ्टवेअर अॅप्लिकेशन, पेमेंट गेटवे तयार‎ करण्याचे काम सुरू झाले असून प्रोजेक्ट‎ मॅनेजरची नियुक्ती केली जाणार आहे. दरम्यान,‎ एका उमेदवारासाठी कमीत कमी ४९५ ते जास्तीत‎ जास्त ६७५ रुपये आकारले जाणार आहेत.‎

..तर हाेईल शुल्क कपात‎

प्रक्रियेत १० हजारापर्यंत उमेदवार आले तर,‎ एका उमेदवारासाठी ६७५ रुपये, १० हजार ते ५०‎ हजारा दरम्यान उमेदवार आले तर, एका‎ उमेदवारासाठी ६०० रुपये, ५० हजार ते एक‎ लाखापर्यंत उमेदवार आले तर, प्रति उमेदवार‎ ५७५, एक ते दोन लाखांपर्यंत ५५०, दोन लाख‎ ते पाच लाखापर्यत उमेदवार आल्यास प्रति‎ उमेदवार ४७५ रुपये मोबदला द्यावा लागणार‎ आहे. उमेदवार शुल्क घेण्यासाठी स्वतंत्र बँक‎ खाते उघडले जाणार असून त्यावर पालिकेचे‎ नियंत्रण राहणार आहे.‎