प्रशासनाच्या निर्णयाकडे लक्ष:पांजरापाेळ जागेच्या सर्वेत‎ अडीच लाख झाडांची नाेंद‎, शासनाच्या विविध विभागांनी केले सर्वेक्षण‎

चुंचाळे येथील पांजरापाेळची जागा ‎ उद्याेगांसाठी देण्याचा मुद्दा पेटल्यावर ‎ ‎उद्याेगमंत्री उदय सामंत यांनी गायींसाठी ‎ जागा राखीव ठेऊन उर्वरित जागा ‎उद्याेगांसाठी घ्या. यासाठी सर्वेक्षणाचे ‎ ‎ आदेश दिल्यानंतर गेल्या महिन्याच्या शेवटच्या अाठवड्यात सर्वेक्षण सुरू ‎ ‎ झाले. या ठिकाणी तब्बल अडीच‎ लाख झाडे असून वन्यप्राण्यांचा ‎ अधिवासही असल्याने ही जागा ‎ ‎ उद्याेगांसाठी देण्यास पांजरापाेळने स्पष्ट ‎ ‎ नकार दिला हाेता.

आता प्रत्यक्ष‎ केलेल्या सर्वेक्षणातही येथे अडीच‎ लाख वृक्ष असून वन्यप्राणीही‎ असल्याची माहिती विश्वसनिय‎ सुत्रांनी दिली. त्यामुळे आता या‎ जागेसंदर्भात प्रशासन काय निर्णय‎ घेणार याकडे सगळ्यांचेच लक्ष लागले‎ आहे.‎ तीन महिन्यांपासून रखडलेले‎ चुंचाळे येथील पांजरापाेळचे सर्वेक्षण‎ मागील महिन्याच्या शेवटच्या‎ आठवड्यात सुरू झाले हाेते. १०‎ मेपर्यंत अहवाल सादर करण्याचे‎ आदेश महसुल, वन, जलसंधारण,‎ महापालिकेसह विविध विभागांच्या‎ ‎वरिष्ठ अधिकाऱ्यांना देण्यात आले‎ आहेत.

यानंतर प्रत्यक्षात सर्वेक्षणाला‎ सुरूवात झाली आणि शनिवारी (दि.‎ ६)हे सर्वेक्षण पूर्ण झाले अाहे.‎ साेमवारी (दि. ८)या सर्व संबंधित‎ विभागांनी केलेल्या सर्वेक्षणाच्या‎ अनुषंंगाने एकत्रित बैठक‎ तहसिलदारांच्या अध्यक्षतेखाली‎ हाेत असून पुढील दाेन दिवसांत‎ एकत्रित अहवाल जिल्हाधिकारी‎ गंगाधरण डी. यांना सादर केला‎ जाणार आहे.‎ वन आणि कृषी विभागाच्या‎ जवळपास ५० कर्मचाऱ्यांनी‎ पांजरापाेळच्या चुंचाळे येथील‎ ‎जागेवर किती वृक्ष, काेणत्या‎ प्रजातींचे, वयाचेआहेत यासंदर्भात‎ सर्वेक्षण केले आहे.

तर जलसंधारण‎ विभागाने पाण्याचे साठवण तळे,‎ नैसर्गिक पाणवठे यासंदर्भात माहीती‎ संकलीत केल्याची माहीती सुत्रांनी‎ दिली अाहे. याशिवाय काेणकाेणत्या‎ प्रजातीचे पशु-पक्षी येथे अाढळतात,‎ त्यांचा अधिवास अाहे का? याचीही‎ पहाणी करून अहवाल तयार झाला‎ अाहे. या सगळ्या विभागांचे अहवाल‎ तहसिलदार यांना सादर केले जातील‎ अाणि त्यानंतर एक एकत्रित अहवाल‎ तयार करून ताे जिल्हाधिकाऱ्यांना‎ सादर केला जाणार अाहे.‎

असे आहे जागेचे प्रकरण‎

अंबड अाैद्याेगिक वसाहतीलगत‎ असलेली चुंचाळे शिवारातील‎ पांजरापाेळची जमीन‎ उद्याेगांसाठी राज्य शासनाने‎ संपादीत करावी अशी मागणी‎ आमदार देवयानी फरांदे‎ यांच्यासह औद्याेगिक संघटनांनी‎ केली हाेती. शहराच्या‎ विकासासाठी पांजरापाेळकडे‎ असलेल्या गायीच्या तुलनेत‎ अमाप जमीन असून ती आता‎ उदयाेगांना मिळाली पाहीजे‎ अशी भूमीकाही उद्याेजकांनी‎ घेतली हाेती. दुसरीकडे येथील‎ पांजरापाेळच्या ८०० एकरवरील‎ जागेवर जवळपास अडीच‎ लाख वृक्ष असून हे शहराचे‎ फुफ्फुस नष्ट हाेऊ देणार नाही‎ असा पवित्रा पर्यावरण प्रेमींनी‎ घेतला हाेता. मात्र,‎ आदेशानुसार स्थापन केलेल्या‎ समीतीने हे सर्वेक्षण पूर्ण केले‎ आहे.‎