वैद्यकीय अभ्यासक्रम प्रवेश:"नीट'' परीक्षा उद्या; शहरातील 20 केंद्रांवर 11 हजार विद्यार्थी प्रविष्ट‎, दुपारी 2 ते 5.20 या वेळेत होईल परीक्षा‎

नाशिक‎ जेईई मेन परीक्षेचा निकाल जाहीर‎ झाल्यानंतर अाता नॅशनल टेस्टिंग‎ एजन्सीतर्फे वैद्यकीय अभ्यासक्रमांच्या‎ प्रवेशासाठी अनिवार्य असलेली नॅशनल‎ एलिजिबिलिटी एन्ट्रन्स टेस्ट (नीट) ही‎ प्रवेश परीक्षा रविवारी (दि.७) घेतली‎ जाणार अाहे.

शहरातील २० परीक्षा‎ केंद्रांवर ११ हजार विद्यार्थी प्रविष्ठ होणार‎ अाहे. नीट परीक्षा मराठी, हिंदी व‎ इंग्रजीसह १३ भाषांमध्ये होईल.‎ नीट परीक्षा अाॅफलाइन पद्धतीने होणार‎ असून देशभरातील विविध शहरांतील‎ केंद्रांवर एकाच वेळी ही परीक्षा होणार‎ अाहेत.

...नंतर प्रवेश दिला जाईल

या परीक्षेसाठी लाखो विद्यार्थी‎ प्रविष्ठ होणार असल्याने परीक्षेच्या‎ पार्श्वभूमीवर विशेष खबरदारी घेतली‎ जाणार अाहेत. परीक्षा केंद्रात जाण्यापूर्वी‎ मेटल डिटेक्टरद्वारे विद्यार्थ्यांची तपासणी‎ झाल्यानंतर प्रवेश दिला जाईल. तसेच‎ विद्यार्थ्यांना कोणतेही इलेक्ट्राॅनिक‎ साहित्य घेऊन जाण्यास बंदी असेल.‎ सकाळी ११.३० वाजेपर्यंत विद्यार्थ्यांनी‎ परीक्षा केंद्रावर उपस्थित राहावे, अशाही‎ सूचना देण्यात अाल्या अाहेत.

नियमांची माहिती घ्या‎

कडक तपासणी, नियमांचे पालन‎ परीक्षेचे कडक वातावरण विद्यार्थ्यांच्या व पालकांच्या‎ पचनी पडत नाही, असा अनुभव आहे. परीक्षेपूर्वी अर्धा‎ तास आधी परीक्षा कक्षात प्रवेश करण्याचा नियम‎ वादाचा ठरतो. सर्व विद्यार्थी एकाच वेळी तपासणी‎ करून सोडणे शक्य होत नसल्याने ऐन परीक्षेच्या वेळी‎ गर्दी होते. त्यामुळे परीक्षा कक्षात आत जाताना लांब‎ बाहीचा शर्ट, बुट, कोणतेही दागिने, कानातील, हातातील‎ दागिने, मोबाइल, बॅग, ट्रान्सपरंट नसलेल्या वस्तूंना बंदी‎ आहे. यामुळे तपासणी वेळी वाद होतात. ही परीक्षा‎ वर्षातून एकाच वेळी होत असल्याने विद्यार्थ्यांनी सर्व‎ नियमांची माहिती घ्यावी, असे आवाहन केले आहे.

‎नीट परीक्षेकडे लक्ष

वैद्यकीय अभ्यासक्रमातील एमबीबीएस,‎ बीडीएस, बीएएमएस, बीएसएमएस,‎ बीयूएमएस आणि बीएचएमएस या‎ अभ्यासक्रमांच्या प्रवेशासाठी संयुक्तरित्या नीट‎ परीक्षा घेतली जाते. नॅशनल टेस्टिंग एजन्सीतर्फे‎ अखिल भारतीय स्तरावरील महत्वाच्या परीक्षांचे‎ आयोजन केले जाते.

इंजिनिअरिंग प्रवेशासाठी‎ जेईई मेन परीक्षेचा पहिला व दुसरा टप्पा घेण्यात‎ आ​​​​​​​ल्यानंतर या परीक्षेचा निकालही नुकताच‎ जाहीर झाला. जेईई मेन झाल्यानंतर लाखो‎ विद्यार्थ्यांचे लक्ष नीट परीक्षेकडे लागले अाहे.‎ नीट परीक्षेचे वेळापत्रकासह अभ्यासक्रम,‎ पात्रता, परीक्षा केंद्र या विषयीची सर्व माहिती‎ https://neet.nta.nic.in या संकेतस्थळावर‎ उपलब्ध करून देण्यात आ​​​​​​​ली आ​​​​​​​हे.‎ परीक्षेसाठी हाॅल तिकीट एनटीएच्या‎ संकेतस्थळावर उपलब्ध करून देण्यात आले‎ आ​​​​​​​हे.‎

परीक्षा मराठी, हिंदी, इंग्रजीसह १३ भाषांमध्ये‎

१८० प्रश्नांसाठी एकूण ७२० गुण‎ वैद्यकीय पदवी अभ्यासक्रमातील प्रथम वर्ष‎ प्रवेशासाठी नीट परीक्षा अनिवार्य आहे. नीट‎ परीक्षा लेखी स्वरूपात घेतली जाते. दुपारी २ ते‎ ५.२० या वेळेत नीट परीक्षा होईल. या परीक्षेत‎ फिजिक्स, केमिस्ट्री, बाॅटनी आ​​​​​​​णि झूलाॅजी या‎ चार विषयांवर एकूण १८० प्रश्न विचारले‎ जातील.

एकूण ७२० गुणांसाठी ही परीक्षा‎ होईल. एमसीक्यू पद्धतीने विभाग ए आ​​​​​​​णि बी‎ अशा दोन सत्रात प्रश्नांची विभागणी असेल.‎ प्रत्येक प्रश्नाला चार गुण असतील. तर‎ चुकीच्या उत्तराला १ गुण कमी होईल. तीन तास‎ २० मिनिटांचा वेळ असेल.‎