आनंद यात्रा:पुढील महिन्यापासून नाशिकहून‎ इंदूर, हैदराबादसाठी विमानसेवा‎, अहमदाबादसाठी दिवसात 2 विमाने‎

नाशिककरांसाठी पुढील महिन्यापासून इंदूर, हैदराबाद या ‎ ‎शहरांसाठी विमानसेवा सुरू हाेणार असून अहमदाबादसाठी ‎ ‎ दुसरी फ्लाइटही सुरू हाेत आहे. इंडिगाे कंपनीने यासाठी‎ स्लाॅटची मागणी नाेंदविली असून 1 जूनपासून ही सेवा‎ प्रत्यक्षात सुरू हाेण्याची शक्यता सुत्रांनी वर्तवली आहे.‎

नाशिक विमानतळावरून सध्या नागपूर, अहमदाबाद,‎ गाेवा या मार्गांवर इंडिगाे नियमित सेवा देत असून‎ प्रवाशांकडून उत्तम प्रतिसाद मिळत आहे. विशेष म्हणजे,‎ काही दिवसांपूर्वी, मेंटेनन्समुळे फ्लाइटस‌्च्या‎ उपलब्धतेअभावी स्पाइस जेटकडून अचानक दिल्ली आणि‎ हैदराबादची सेवा स्थगित करण्यात आली हाेती, त्यापैकी‎ जनभावना लक्षात घेत कंपनीने आठवड्यातून तीन दिवस‎ दिल्ली करीता विमानसेवा सुरू केली असली तरी‎ हैदराबादची सेवा बंद आहे. आता इंडिगाे या मार्गावर‎ विमानसेवा देणार असल्याने नाशिककरांची कनेक्टिव्हिटी‎ या शहरांकरिता पुन्हा हाेणार आहे.‎

त्र्यंबकेश्वर-महाकाल हे प्रमुख कारण‎

त्र्यंबकेश्वर आणि उज्जैनचे महाकाल यांच्या दर्शनासाठी‎ भाविकांना सुविधा मिळावी, त्यातून बारा तासांचा वेळ‎ वाचावा यासाठी नाशिक-इंदूर विमानसेवा सुरू व्हावी अशी‎ मागणी निमाच्या एव्हिएशन कमेटीचे चेअरमन मनीष रावल‎ यांनी मध्य प्रदेशचे मुख्यमंत्री शिवराजसिंह चाैहान‎ यांच्याकडे केली हाेती. चाैहान यांनी केंद्रीय नागरी विमान‎ उड्डयनमंत्री ज्याेतिरादित्य सिंधिया यांच्याकडे याबाबत‎ मागणी केल्यानंतर ही सुरू हाेत आहे, हे विशेष.‎

अहमदाबादसाठी दुसरी फ्लाइट; १ जूनपासून सेवेची शक्यता‎​​​​​​​

​​​​​​​इंडिगाेकडून अगाेदरच अहमदाबादसाठी विमानसेवा‎ दिली जात आहे, त्यात आता आणखी एका फेरीची भर‎ पडणार असल्याने दिवसातून दाेन वेळा‎ अहमदाबादसाठी विमानसेवा उपलब्ध हाेऊ शकेल.‎ याचा फायदा शिर्डी, त्र्यंबकेश्वर दर्शनासाठी येणाऱ्या‎ भाविकांनाही हाेणार आहे.‎