शैक्षणिक:नाशिक जिल्ह्यात इंजिनिअरिंग, फार्मसीच्या‎ 10 हजार जागांवर प्रवेशासाठी संधी‎

माध्यमिक व उच्च माध्यमिक शिक्षण‎ मंडळातर्फे फेब्रुवारी व मार्च २०२३ या‎ महिन्यात घेण्यात आलेल्या उच्च‎ माध्यमिक प्रमाणपत्र अर्थात इयत्ता बारावी‎ परीक्षेत कला व वाणिज्य या दोन्ही‎ शाखांच्या तुलनेत यंदा नाशिक विभागाचा‎ विज्ञान शाखेचा सर्वाधिक ९६.८४ टक्के‎ निकाल जाहीर झाला आहे.

महत्वाचे‎ म्हणजे, यातही विद्यार्थ्यांच्या तुलनेत‎ मुलींच्या उत्तीर्णतेची टक्केवारी जास्त‎ आहे. विज्ञान शाखेत ९६. ३३ टक्के‎ मुलांचा तर मुलींच्या उत्तीर्णतेची‎ टक्केवारी ९७.५३ इतकी आहे.‎ नाशिक विभागात १४ हजार ४२९‎ विद्यार्थ्यांनी विशेष श्रेणीचे यश‎ मिळवले. यात सर्वाधिक ६ हजार २३‎ विद्यार्थी नाशिक जिल्ह्यातील आहेत. तर‎ २१ हजार २९७ विद्यार्थ्यांनी प्रथम श्रेणी‎ आणि २९ हजार २९७ विद्यार्थ्यांनी द्वितीय‎ श्रेणी पटकावली. बारावीनंतर‎ तंत्रशिक्षणातील विविध व्यावसायिक‎ अभ्यासक्रमांना प्रवेशाची संधी उपलब्ध‎ असते. यात सर्वाधिक विद्यार्थी‎ इंजिनिअरिंग व बी. फार्मसी या‎ अभ्यासक्रमांना प्रवेश घेत असतात.‎ नाशिक जिल्ह्यात या दोन्ही‎ अभ्यासक्रमांच्या मिळून दहा हजार जागा‎ प्रवेशासाठी उपलब्ध आहेत.‎

जिल्ह्यातील सर्वाधिक ६ हजार विद्यार्थ्यांना विशेष श्रेणी‎

नाशिक‎ बारावीच्या निकालानंतर विद्यार्थ्यांचे लक्ष‎ आता इंजिनिअरिंग (बी. ई), फार्मसी (बी.‎ फार्म), डिप्लोमा इन फार्मसी, हॉटेल मॅनेजमेंट,‎ आर्किटेक्चर यासह बारावीनंतरच्या‎ व्यावसायिक अभ्यासक्रमांच्या प्रवेशप्रक्रियेकडे‎ लागले आहे. जिल्ह्यात इंजिनिअरिंग,‎ फार्मसीच्या १० हजार जागांवर प्रवेशासाठी‎ संधी उपलब्ध हाेईल.‎ पारंपरिक विद्याशाखांच्या तुलनेत कौशल्य‎ मिळवून देणाऱ्या व्यावसायिक‎ अभ्यासक्रमांकडे विद्यार्थ्यांचा ओढा जास्त‎ असतो. त्यामुळे पारंपारिक महाविद्यालयांच्या‎ तुलनेत तंत्रशिक्षण देणाऱ्या महाविद्यालयांची‎ संख्याही मोठ्या संख्येने वाढली आहेत.‎

नाशिकमध्ये इंजिनिअरिंग पदवी शाखेची १९‎ महाविद्यालयांत ७ हजार ५३० जागा उपलब्ध‎ आहेत. तर औषधनिर्माणशास्त्र या पदवीच्या‎ २५ महाविद्यालयांत २ हजार ३७ जागा आहेत.‎ हॉटेल मँनेजमेंट, आर्किटेक्चरच्या एकूण ४‎ महाविद्यालयांत २६० जागा यंदा प्रवेशासाठी‎ उपलब्ध आहेत. नाशिक जिल्ह्यात‎ इंजिनिअरिंग, पॉलिटेक्निक, फार्मसी, डी.‎ फार्मसी, एमबीए, हॉटेल मॅनेजमेंट या‎ व्यावसायिक अभ्यासक्रमांच्या‎ महाविद्यालयांची संख्या मोठी आहे.‎

कला, वाणिज्य, विज्ञान व संयुक्त शाखा या सर्व शाखांचा‎ मिळून एकूण निकाल ९१.६६ टक्के जाहीर झाला आहे. विज्ञान‎ शाखेपाठोपाठ वाणिज्य शाखेचा निकाल ९४ टक्के तर कला‎ शाखेचा निकाल सर्वाधत कमी ८४ टक्के लागला आहे.‎ संयुक्त शाखेचा निकाल ८५.९६ टक्के निकाल आहे. बारावीची‎ परीक्षा एकूण १५४ विषयांसाठी घेण्यात आली. त्यापैकी २३‎ विषयांचा निकाल हा शंभर टक्के लागला आहे. बारावीच्या‎ परीक्षेत अनुत्तीर्ण झालेल्या विद्यार्थ्यांचे शैक्षणिक वर्ष वाया‎ जाऊ नये यासाठी शिक्षण मंडळातर्फे जुलै व ऑगस्ट‎ महिन्यात पुरवणी परीक्षा घेतली जाणार आहे.

या अनुत्तीर्ण‎ झालेल्या विद्यार्थ्यांसाठी पुरवणी परीक्षा घेतली जाते. ही परीक्षा‎ जुलै-ऑगस्ट २०२३ या महिन्यात होणार आहे. श्रेणीसुधार‎ करण्यासाठी विद्यार्थ्यांना २९ मेपासून मंडळाच्या‎ संकेतस्थळावर ऑनलाइन पद्धतीने अर्ज सादर करता येतील.‎मंडळाने नियमित वेळेतच निकाल‎ जाहीर करत विद्यार्थ्यांना सुखद धक्का‎ दिला आहे.‎ निकालाचे अंतिम काम यंदा‎ जवळपास १० दिवस अगाेदरच झाले.‎जिल्ह्यातील काॅलेज व कंसात‎ प्रवेशाच्या उपलब्ध जागा

याप्रमाणे एकूण ७९‎ महाविद्यालयांत ११७८० उपलब्ध जागा‎ आहेत.‎​​​​​​​‎​​​​​​​