दिव्य मराठी विशेष:ज्येष्ठांना प्रवासासाठी दहा ओळखपत्रांचा पर्याय ; 75 वर्षांपुढील ज्येष्ठांना मोफत प्रवास‎

ज्येष्ठ नागरिकांना बसमधून‎ सवलतीचा प्रवास करण्यासाठी दहा‎ प्रकारचे फाेटाे ओळखपत्र अनिवार्य‎ करण्यात आले आहे. यापैकी‎ कुठलेही एक ओळखपत्र साेबत‎ बाळगून ज्येष्ठांना प्रवास करता‎ येणार आहे. एसटी महामंडळाच्या‎ वाहतूक महाव्यवस्थापकांनी‎ राज्यभरातील सर्व आगारप्रमुखांना‎ पत्राद्वारे यासंदर्भातील मार्गदर्शक‎ सूचना केल्या आहेत.‎ राज्यातील ६५ ते ७५ वर्षांपर्यंतच्या‎ ज्येष्ठ नागरिकांना महाराष्ट्र राज्य‎ मार्ग परिवहन महामंडळाने सर्व‎ प्रकारच्या बसेसमध्ये ५० टक्के‎ प्रवास सवलत लागू केलेली आहे.‎ सप्टेंबर २०२२ पासून ७५ वर्षांवरील‎ ज्येष्ठ नागरिकांना बसमधून पूर्णत:‎

माेफत प्रवास सुविधा दिली जात आहे. मात्र,‎ ओळखपत्रांच्या मुद्द्यावरुन वाहक व ज्येष्ठ‎ नागरिकांमध्ये वादाचे प्रकार घडत आहे.‎ ज्येष्ठांकडून पुरावा म्हणून दिली जाणारी काही‎ ओळखपत्र वाहकांकडून नाकारली जात असल्याच्या‎ तक्रारी महामंडळाला प्राप्त झाल्या आहेत. या‎ तक्रारींची दखल घेत महामंडळाने ३१ जानेवारीला‎ नवीन आदेश काढून दहा प्रकारची फाेटाे ओळखपत्रे‎ ग्राह्य धरण्याच्या सूचना केल्या आहेत.‎ प्रत्येक वाहकाने संबंधित ओळखपत्रे बघून ज्येष्ठांना‎ सवलतीचे तिकिट द्यावे. तसेच ज्येष्ठ नागरिकांनीही‎ नियमाप्रमाणे ग्राह्य धरली जाणारी ओळखपत्रे दाखवून‎ बसमधून प्रवास करावा, असे आवाहन करण्यात‎ आले आहे.‎

ओळखपत्राच्या‎ पडताळणीची कसाेटी‎ ग्राह्य धरल्या जाणाऱ्या काही‎ ओळखपत्रांच्या सत्यतेची पडताळणी‎ करणे जिकरीचे काम आहे.‎ सवलतीच्या एसटी बस प्रवासाचा‎ लाभ घेण्यासाठी अनेक जण बाेगस‎ ओळखपत्र तयार करतात. चुकीच्या‎ जन्मतारखा टाकून बनावट‎ आधारकार्ड बनविले जाते. प्रवाशाचे‎ वय ६५ नसतानाही त्याच्याकडे‎ वयाचा पुरावा देणारे आधारकार्ड‎ आहे म्हणून प्रवासात सवलत द्यावी‎ लागते. अशा ओळखपत्रांची सत्यता‎ कशी तपासणार हा खरा प्रश्न आहे.‎ वादाचे प्रकार टाळण्यासाठी‎ ओळखपत्रांच्या सत्यतेची खात्री‎ करणारी यंत्रणा कार्यरत करणे‎ आवश्यक आहे.‎