पर्यावरण नियमांचा भंग:वर्दळीच्या महात्मा गांधीराेडवर पिंपळ,‎ उंबराच्या झाडांची बेकायदा कत्तल‎

अत्यंत माेक्याच्या व भरवस्तीतील‎ महात्मा गांधीराेडवर पिंपळ व‎ उंबराच्या झाडाची अनधिकृतपणे‎ छाटणी केल्याचा धक्कादायक प्रकार‎ उघडकीस आला. जागरूक‎ वृक्षप्रेमींनी उद्यान विभागाकडे तक्रार‎ केल्यानंतर उपायुक्त विजयकुमार‎ मुंडे यांनी तातडीने कर्मचाऱ्यांना‎ पाठवून पंचनामा केला. याप्रकरणी‎ एका माेबाइल विक्रेत्यावर संशय‎ असून वर्षभरापूर्वी अनधिकृतपणे‎ वृक्षताेड केल्याप्रकरणी गुन्हाही‎ दाखल झाल्याचे सांगितले जात‎ आहे.‎ ‘हरित नाशिक’ या शहराच्या‎ आेळखीला बट्टा लावण्याचे प्रकार‎ सुरू झाले आहेत. नानाविध‎ कारणांसाठी वृक्षताेड केली जात‎ असून असे करण्यापूर्वी पालिकेची‎ रितसर परवानगी घेतली जात नाही.‎

मनपाचे उपायुक्त मुंडे यांच्या काळात‎ अनधिकृतपणे वृक्षताेड‎ करणाऱ्यांविराेधात गुन्हे दाखल‎ करण्याचे प्रकार वाढले आहे. महात्मा‎ गांधीराेडवर मंगळवारी पिंपळ व‎ उंबराची छाटणी केल्याचे समाेर‎ आले. उन्हाळ्यात दाेन्ही झाडांमुळे‎ परिसरात गारवा पसरत हाेता. तसेच‎ महात्मा गांधीराेडवर अलिकडेच‎ वृक्षताेडीचे प्रमाण वाढले असून‎ अशा परिस्थीतीत पर्यावरणपूरक व‎ हेरिटेज वृक्ष दिसणेही दुर्मिळ झाले‎ आहे. त्यामुळे पर्यावरणप्रेमींमधून‎ हळहळ व्यक्त हाेत हाेती.‎

गुन्हे दाखल करणार‎ काेणतीही परवानगी न घेता महात्मा‎ गांधीराेडवर पिंपळ व उंबराची छाटणी‎ केल्याचा प्रकार समाेर आला आहे. उद्यान‎ विभागाने पंचनामा केला असून‎ संबधिताविराेधात गुन्हे दाखल केले जातील.‎ - विजयकुमार मुंडे, उपायुक्त‎

सीसीटीव्ही फुटेज तपासणार‎ उद्यान विभागाने संबधित माेबाइल‎ दुकानदाराविराेधात गुन्हा दाखल करण्याची‎ तयारी सुरू केली आहे. यापूर्वी संबंधितांवर‎ गुन्हा दाखल केल्याचे सांगितले जाते.‎ याठिकाणी अनेक सीसीटीव्ही फुटेज असून‎ त्याद्वारे वृक्षताेड करणाऱ्यांचा शाेध घेतला‎ जाणार आहे.‎