पुरवठा बंद:पोलिस श्वानांची उपासमार, बिल‎ थकल्याने विक्रेत्यांकडून अन्न बंद‎

पोलिस दलात श्वानाला अतिशय‎ महत्त्व आहे. मात्र सध्याची‎ परिस्थिती बघता पोलिस दलातील‎ श्वान पथकावर उपासमारीची वेळ‎ आली आहे. या श्वानांना‎ मेडिकलमधून अन्न पुरवठा केला‎ जाताे. मात्र मागील वर्षांपासून या‎ वितरकाचे बिल थकल्याने त्याने‎ पुरवठा बंद केला आहे.‎ पोलिस दलात गुगल, मॅक्स,‎ निता, सिंबा, लकी, अल्फा हे‎ श्वान बीडीडीएस व श्वान‎ पथकात कर्तव्य बजावत आहेत.‎ या श्वानांचा देखभाल खर्च‎ शासनाकडून केला जातो. प्रत्येक‎ श्वानाला महिन्याला सुमारे १४‎ हजारांची एक फूड बॅग लागते.‎

फूड, दूध आणि इतर किरकोळ‎ खर्च असा एका श्वानावर १८‎ हजार रुपयांचा खर्च महिन्याकाठी‎ हाेताे. या श्वानांना अन्नपुरवठा‎ करण्याचा ठेका अशोक‎ स्तंभावरील एका मेडिकलला‎ दिला आहे. या दुकानदाराला १०‎ महिन्यांपासून बिल मिळाले‎ नसल्याने त्याने पुरवठा बंद केला‎ आहे.हीच अवस्था दूध‎ वितरकाची आहे. माणुसकीच्या‎ नात्याने हे दोन्ही विक्रेते बिल‎ रखडले असूनही पुरवठा करत‎ होते. मात्र मेडिकलचे ९ लाख‎ आणि दूध विक्रेत्याचे ३७ हजारांचे‎ बिल रखडले असल्याची माहिती‎ सूत्रांनी दिली.‎