आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

योग्य आर्थिक नियोजन सफल व्यवसायाची गुरुकिल्ली:'क्रेडाई'च्या प्रशिक्षणात लेखक अनिल लांबांचे कॉस्ट मॅनेजमेंट" या विषयावर मार्गदर्शन

नाशिक21 दिवसांपूर्वी
  • कॉपी लिंक
लेखक अनिल लांबा अनिल लांबा यांच्यासह 'क्रेडाई'चे पदाधिकारी - Divya Marathi
लेखक अनिल लांबा अनिल लांबा यांच्यासह 'क्रेडाई'चे पदाधिकारी

योग्य आर्थिक नियोजन ही सफल व्यवसायाची गुरुकिल्ली असून आदर्श पद्धतीने नफा कमविणारा व्यावसायिक त्याच्या स्वतःसोबतच त्याच्यासोबत काम करणाऱ्या अनेकांच्या प्रगतीस जबाबदार असतो असे प्रतिपादन प्रसिद्ध चार्टर्ड अकाउंटंट व रोमांसिंग द बॅलन्स शीट या बेस्ट सेलर पुस्तकाचे लेखक अनिल लांबा यांनी केले. ते क्रेडाई नाशिक मेट्रोतर्फे आयोजित सदस्यांच्या प्रशिक्षण कार्यक्रमांमध्ये "सफल व्यवसायासाठी कॉस्ट मॅनेजमेंट" या विषयावर मार्गदर्शन करत होते.

अनिल लांबा पुढे म्हणाले की, व्यवसाय उभारतांना भांडवलाची उभारणी कशाप्रकारे केली जाते यावर व्यवसायाचा नफा अवलंबून असतो. किती विक्री झाली यापेक्षा कॅश फ्लो चे योग्य व्यवस्थापन आवश्यक असल्याचे सांगून नफ्या पेक्षा रिटर्न ऑन इंव्हेस्टमेंट वर लक्ष केंद्रित करावे असे मतही त्यांनी व्यक्त केले.

प्रशिक्षण कार्यक्रमा बाबत अधिक माहिती देताना क्रेडाई नाशिक मेट्रोचे अध्यक्ष रवी महाजन म्हणाले की, सर्व सदस्यांच्या व्यावसायिक प्रगतीसाठी हे प्रशिक्षण क्रेडाई तर्फे नियमितरित्या आयोजित केले जाते. या प्रशिक्षण कार्यक्रमांमध्ये व्यवसाया संबंधित विविध पैलूंवर सदस्यांना राष्ट्रीय स्तरावरील प्रसिद्ध तज्ञांकडून मार्गदर्शन देण्यात येते. अशा प्रकारच्या प्रशिक्षणाचे हे पाचवे सत्र असून या वेळेच्या सत्रामध्ये आर्थिक व कायदेविषयक मार्गदर्शन करण्यात आले. रिअल इस्टेट क्षेत्राचा भारताच्या जीडीपीमध्ये मोलाचा वाटा असून क्रेडाई सदस्य सर्वसामान्यांच्या घरकुलांचे स्वप्न पूर्ण करण्यात मोलाचा वाटा बजावतात.

प्रशिक्षण कार्यक्रमाचे सह समन्वयक अनिल आहेर यांनी सांगितले की या प्रशिक्षण शिबिरात 200 हून अधिक क्रेडाई सदस्य नाशिक, नगर, धुळे , ओझर, पिंपळगाव, मालेगाव, पाचोरा, शिर्डी येथून सहभागी झाले होते. प्रशिक्षणाच्या दुसऱ्या सत्रात प्रख्यात कायदे तज्ञ ॲड. एस के पांडे व ॲड संजय पाटील यांनी सभासदांना कायद्याच्या विविध तरतुदी बाबत मार्गदर्शन केले. क्रेडाई महाराष्ट्राचे सचिव सुनील कोतवाल यांनी माहिती देताना सांगितले की, क्रेडाई महाराष्ट्र तर्फे अशा प्रकारच्या प्रशिक्षण कार्यक्रमांचे आयोजन आगामी कालावधीत औरंगाबाद, कोल्हापूर, नागपूर, नवी मुंबई येथे देखील होणार असून याचा फायदा सर्व सदस्यांना त्यांच्या व्यवसायात होणार आहे.

या प्रशिक्षण कार्यक्रमांमध्ये क्रेडाई राष्ट्रीयचे उपाध्यक्ष अनंत राजेगावकर, उपाध्यक्ष कृणाल पाटील, माजी अध्यक्ष सुरेश पाटील, नेमीचंद पोतदार, किरण चव्हाण ,उमेश वानखेडे, कमिटी सदस्य अतुल शिंदे, सुशील बागड ,अनंत ठाकरे,विजय चव्हाणके ,मनोज खिवसरा आदी मान्यवर उपस्थित होते. सूत्रसंचालन चिन्मय खेडेकर तर आभार अंजन भालोदिया यांनी मानले.

बातम्या आणखी आहेत...