जन्मदिवस:श्री नवकार आशिष सेवा ट्रस्टकडून‎ दिव्यांगांसाठी कृत्रिम अवयव शिबिर‎

प.पू. आचार्य सम्राट श्री आनंदऋषीजी‎ यांची पुण्यतिथी व उत्तर भारतीय प्रवर्तक प.‎ पू. आशिषमुनीजी यांच्या‎ जन्मदिवसानिमित्त श्री नवकार आशिष‎ सेवा ट्रस्ट, साधू वासवानी मिशन (पुणे),‎ निवासी अपंग कल्याण केंद्र (सटाणा),‎ बागलाण एज्युकेशन सोसायटी यांच्या‎ संयुक्त विद्यमाने दिव्यांगांना विनामूल्य‎ कृत्रिम अवयव (जयपूर हात, पाय)‎ बसविण्यासाठी सटाणा येथे रविवारी (दि.‎ २६) विशेष शिबिराचे आयोजन करण्यात‎ आले आहे.‎ सर्व वयोगटांतील गरजू रुग्ण त्यात‎ सहभागी होऊ शकतील या शिबिरांतर्गत‎ कृत्रिम अवयव बसविण्यासाठी गरजूंनी‎ बुधवार, (दि. १५) पर्यंत नावनोंदणी करणे‎ गरजेचे आहे.

दि.२६ राेजी सटाणा येथे‎ बागलाण एज्युकेशन सोसायटीच्या शाळेत‎ सकाळी ९ पासून प्रत्यक्षात माप घेतले‎ जाईल. शिबिर पूर्णपणे विनामूल्य असून‎ जास्तीत जास्त गरजूंनी उपक्रमात सहभागी‎ होऊन अपंगत्वावर मात करावी, असे‎ आवाहन आयोजकांकडून करण्यात आले‎ आहे. अधिक माहिती व नावनोंदणीसाठी‎ नीलेश जे. भंडारी यांच्याशी ९८५०९०५७६७‎ या क्रमांकावर संपर्क साधावा, असेही‎ संयोजकांनी कळविले आहे. माप‎ घेतल्यानंतर एक महिन्याने एप्रिलमध्ये‎ अवयव बसविण्यात येतील. उपक्रमाच्या‎ यशस्वितेसाठी संदीप गांग, विनोद‎ कांकरिया, पंकज कोठारी, हर्षद चोपडा,‎ सतीश लुंकड तसेच वळवी व धोंगडे‎ प्रयत्नशील आहेत. उपक्रमाचे यंदा तिसरे‎ वर्ष असून यापूर्वी नाशिक व अहमदनगर‎ येथे झालेल्या शिबिरांना उत्तम प्रतिसाद‎ मिळाला होता.