दिव्य मराठी विशेष:इंदिरानगरातील अवजड वाहतुकीवर रिंगरोडचा उपाय

इंदिरानगर -वडाळागाव-पाथर्डी राेड ‎परिसरातील अवजड वाहनाच्या वाहतुकीचा प्रश्न सोडविण्यासाठी ‎ रहिवाशी, राजकीय मंडळीने‎ केलेल्या उपाेषणानंतर लागलीच‎ पाेलिस यंत्रणेकडून एकत्रित बैठक‎ घेत पर्यायी मार्ग म्हणून रिंगराेडचा ‎प्रस्ताव पाेलिसांकडून मनपा व‎ महामार्ग प्राधिकरणाकडे सादर करण्याचा निर्णय घेण्यात आला.‎ शहर वाहतूक शाखेचे सहाय्यक‎ पोलिस आयुक्त सिताराम‎ गायकवाड यांच्या कार्यालयात‎ बुधवारी इंदिरानगर,‎ वडाळागावातील प्रमुख राजकीय, व‎ सामाजिक कार्यकर्त्यांची बैठक पार‎ पडली. इंदिरानगर परिसरात अवजड‎ वाहनांमुळे वाहतुकीस मोठा‎ अडथळा निर्माण हाेऊन अपघात‎ घडत असल्याने वारंवार ही वाहतूक‎ पर्यायी मार्गाने साेडविण्याची मागणी‎ केली जात हाेती.

त्याची दखल‎ घेतली जात नसल्याने अखेरीस‎ लोकप्रतिनिधींच्या मार्गदर्शनाखाली‎ दाेन दिवसांपूर्वी सामूहिक आंदाेलन‎ केले गेले. त्याची दखल घेत पाेलिस‎ उपायुक्त यांच्या मार्गदर्शनाखाली‎ त्यांच्या कार्यालयात लोकप्रतिनिधी‎ व संस्था, आैद्याेगिक संघटनांच्या‎ प्रतिनिधीच्या झालेल्या या बैठकीत‎ अवजड वाहतुकीमुळे निर्माण‎ हाेणाऱ्या समस्यांचा उहापाेह‎ करण्यात आला. वाहतूकीचा प्रश्न‎ सोडविण्याबाबत अनेक विचारमंथन‎ करण्यात आले. यावर या मार्गाला‎ पर्यायी एक रिंगराेड (वळणरस्ता)‎ निर्मीतीचा प्रस्ताव मनपा व महामार्ग‎ प्रशासनास सादर करून त्याची‎ पूर्तता करण्यासाठी प्रयत्न करण्यात‎ येणार येईल, असे आश्वासन‎ सहायक आयुक्त गायकवाड यांनी‎ दिले.‎

निमा व आयमा प्रतिनिधींकडून सूचना‎
इंदिरानगर व तपोवन मार्गे होणारी‎ अवजड वाहनांची वाहतूक बंद‎ करता येईल का? अशी सूचना‎ करताच सर्वांनी विराेध दर्शविला.‎ मालवाहू वाहनांना इंदिरानगर‎ भागातून प्रवेश बंद केल्यास‎ औद्योगिक वसाहतीस कच्चा माल‎ मिळण्यास होणाऱ्या विलंबामुळे‎ त्याचे दुरगामी दुष्परिणाम होतील.‎ मालवाहू वाहनांना प्रथम योग्य मार्ग‎ (रिंगरोड) व थांब्यासाठी ट्रक‎ टर्मिनस सुविधा उपलब्ध करून देणे‎ अत्यावश्यक असल्याची बाब‎ आयमा, निमा व ट्रक संघटनेच्या‎ प्रतिनिधींनी बाेलून दाखविली.‎

संबंधित विभागाची लवकरच बैठक‎ घेण्याचेही गायकवाड यांनी‎ सांगितले.‎ बैठकीस वरिष्ठ निरीक्षक सुभाष‎ पवार, सुधीर ठाेंबरे, पराग जाधव,‎ दिनकर कदम,राकेश हांडे, एस.‎ आर. बांबळे, छाया देवरे, राजेंद्र‎ वाघ, आयमा, निमा व ट्रक‎ संघटनेचे प्रतिनिधी राजेंद्र फड,‎ मनीष रावल, किशोर इंगळे, रवींद्र‎ झोपे, संजय सोनवणे, सुदर्शन‎ डोंगरे, अमोल शेळके व मनपा‎ प्रतिनिधी, आैद्याेगिक संघटना‎ तसेच ट्रक मालक-चालक‎ संघटनेचे सदस्य उपस्थित होते.‎