उद्यापासून साेहळा:7 देशांतील साधक विहंगम‎ याेग संत समागमासाठी शहरात‎

सद्‌गुरू सदाफलदेव १००१ कुंडीय विश्‍वशांती वैदिक‎ महायज्ञ आणि विहंगम योग संतसमागम या‎ आध्यात्मिक सोहळ्याची तयारी पूर्ण झाली आहे. या‎ सोहळ्यासाठी सिंगापूर, साऊथ आफ्रिका,‎ नायजेरिया, आॅस्ट्रेलिया, अमेरिका यासारख्या सात‎ देशांसह महाराष्ट्र, उत्तर प्रदेश, बिहार, गुजरात‎ राज्यातून १० हजार साधक सहभागी हाेणार आहेत.‎ शनिवारी (दि. ४) विहंगम योग संतसमागम आणि‎ रविवारी (दि. ५ ) विश्‍वशांती वैदिक महायज्ञ‎ त्र्यंबकरोड जवळील ठक्‍कर डोम येथे हाेणार आहे.‎ शनिवारी सायंकाळी ५.३० वाजता ''अ'' अंकित‎ श्‍वेत ध्वजारोहण समारंभ पार पडेल.

यानंतर श्री. संत‎ प्रवर श्री विज्ञानदेवजी महाराज यांचा ‘स्वर्वेद‎ कथामृत’ हा दिव्यवाणी कार्यक्रम होईल. सद्‌गुरू आचार्य श्री.स्‍वतंत्रदेवजी महाराज यांची अमृतवाणी‎ भाविकांना श्रवण करता येणार आहे. यानंतर‎ महाप्रसादाने पहिल्‍या दिवसाच्‍या कार्यक्रमाचा‎ समारोप होईल. रविवारी ५ फेब्रुवारी राेजी सकाळी ९‎ वाजता ''अ'' अंकित श्‍वेत ध्वजारोहण होईल. यानंतर‎ सकाळी ९.३० वाजेपासून १००१ कुंडीय विश्‍वशांती‎ वैदिक महायज्ञ व महाप्रसादाचा कार्यक्रम पार पडणार‎ आहे. जास्तीतजास्त नाशिककरांनी कार्यक्रमात‎ सहभगाी व्हावे, असे आवाहन करण्यात आले आहे.‎

साधकांचा शहरात दोन‎ दिवस मुक्काम‎
देश-विदेशातून किमान १० हजार‎ साधक या सत्संगासाठी उपस्थित‎ राहणार असून त्यांच्याकरिता‎ शहरातील बहुतांश हाॅटेल्स मधील‎ एक हजार रुम्स बुक करण्यात‎ आल्या आहेत. यातून शहरात‎ किमान लाखाे रुपयांची उलाढाल‎ हाेणार आहे. विशेष म्हणजे, येणारा‎ साधक दाेन दिवस नाशिकमध्ये‎ राहणार आहे.‎

हवनासाठी ८ हजार‎ भाविकांची साेय‎
१००१ कुंडीय विश्‍व शाती वैदिक‎ महायज्ञ या कार्यक्रमाचे वैशिष्टय‎ आहे. प्रत्येक हवनासाठी चार‎ जाेडपे सहभागी हाेणार आहे,‎ किमान ८ हजार भाविक येथे‎ हवनासाठी बसू शकतील. या‎ धार्मिक समारोहासाठी राज्‍य व‎ देशभरातून भाविक दाखल होणार‎ असल्याचे आयाेजकांनी कळविले‎ आहे.‎