अभियान:14 प्राथमिक आरोग्य केंद्र, दोन‎ रुग्णालयांमध्ये आज स्वच्छता‎

महानगरपालिकेचे १४ प्राथमिक आरोग्य‎ केंद्रे व दोघा रुग्णालयांमध्ये शनिवारी‎ स्वच्छता अभियान राबवण्यात येणार आहे.‎ यानंतर दर महिन्याच्या पहिल्या शनिवारी‎ स्वच्छता दिवस पाळण्यात येईल. यानिमित्त‎ आरोग्य केंद्र व रुग्णालयांमध्ये स्वच्छता‎ करण्यात येऊन वैद्यकीय स्टाफ तसेच‎ रुग्णांच्या दृष्टीने आरोग्यदायी वातावरणाची‎ निर्मिती राखण्याचा प्रयत्न होणार आहे.‎ राज्यातील आरोग्य संस्थांमध्ये स्वच्छता‎ राखली जावी व परिसर सुंदर व‎ आरोग्यदायी राहावा यासाठी आरोग्यमंत्री‎ डॉ. तानाजी सावंत यांच्या संकल्पनेतून‎ राज्यातील सर्व आरोग्य संस्थांमध्ये प्रत्येक‎ महिन्याच्या पहिल्या शनिवारी स्वच्छता‎ दिवस हा उपक्रम सुरू करण्यात येत आहे.‎

सार्वजनिक आरोग्य विभागाच्या अधिनस्त‎ असलेल्या सर्व दवाखाने आणि आरोग्य‎ केंद्रांमध्ये प्रत्येक महिन्याच्या पहिल्या‎‎‎‎‎‎‎‎‎‎‎‎‎‎ शनिवारी सर्वांगीण स्वच्छता करण्यात‎ यावी, असे आदेश आरोग्य सेवा आयुक्त‎ तथा राष्ट्रीय आरोग्य अभियानाचे संचालक‎ धीरज कुमार यांनी दिले आहेत. प्रथम‎ मोहीम शनिवारी (दि. ४ फेब्रुवारी)‎ राबवण्यात येणार असून नंतर दरमहा प्रथम‎ शनिवारी ''स्वच्छता दिवस'' पाळण्यात‎ येणार आहे.‎‎‎‎‎‎‎‎‎‎‎‎‎‎ या अभियानांतर्गत, आरोग्य संस्थांमधील‎ परिसर, आंतररुग्ण विभाग स्वच्छतागृहे,‎ बालरुग्ण विभाग, आदींची स्वच्छता‎ करण्यात यावी, र्निलेखनासाठीचे साहित्य‎ वेगळया ठिकाणी लावावे , कॉरीडोर, वॉर्ड,‎ ओटी, स्वच्छतागृह येथे कोणतीही‎ अडगळीची वस्तू राहणार नाही, याची‎ दक्षता घ्यावी,अशा सूचना केल्या आहे.‎

आरोग्याकर्मी घेणार सहभाग‎ महानगरपालिकेचे १४ प्राथमिक आरोग्य केंद्रे‎ तसेच दोन रुग्णालये यात वैद्यकीय‎ अधिकारी, आशा वर्कर, गटप्रवर्तक, चतुर्थ‎ श्रेणी कर्मचारी तसेच प्रशासकीय कर्मचारी‎ असा एकूण ३५० अधिकारी कर्मचाऱ्यांचा‎ वर्ग कार्यान्वित आहे. सेवाकाळात असलेले‎ आरोग्याकर्मी स्वच्छता अभियानात भाग‎ घेतील.‎ - डॉ.सपना ठाकरे, मुख्य आरोग्य‎ अधिकारी,महापालिका.‎ राज्यभर अभियान‎ स्वच्छता दिवस हे अभियान दरमहा सुरू‎ राहील. त्याच्या अहवालांचे सचित्र संकलन‎ हे जिल्हास्तरावरून उपलब्ध ठेवण्यात येणार‎ आहे. या अभियानाचा नियमित आढावा‎ उपसंचालक स्तरावर घेण्यात येणार असून,‎ मासिक अहवाल आयुक्तालयास सादर‎ केला जाईल. तसेच सर्व आरोग्य संस्था‎ स्वच्छ राहतील, याची दक्षता घ्यावी व‎ लोकसहभागतून आरोग्य सेवा सुंदर, स्वच्छ‎ कराव्यात, असे आवाहन केले आहे.‎