आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

डीबी स्टार स्कॅन‎:रेल्वे तिकीट आरक्षणाची एकच खिडकी सुरू; तीन‎ खिडक्या बंद, खासगी एजंटकडे जाण्याचा सल्ला‎

जहीर शेख । नाशिक‎23 दिवसांपूर्वी
  • कॉपी लिंक

नाशिक शहरातील नागरिकांना रेल्वे तिकिटाच्या‎ आरक्षणासाठी नाशिकराेड येथे जावे लागू नये यासाठी‎ त्यांच्या सुविधेसाठी रेल्वे प्रशासनाने शरणपूर रोडवरील‎ तिबेटियन मार्केट परिसरात रेल्वेचे तिकीट रिझर्व्हेशन‎ कार्यालय सुरू केले आहे. मात्र, कार्यालयात आरक्षणाची‎ केवळ एकच खिडकी सुरू असून इतर खिडक्या बंद‎ ठेवण्यात आल्या आहेत. त्यामुळे तिकिटे काढण्यासाठी‎ दिवसभर रांगेत उभे राहावे लागत आहे. त्यातच जास्त‎ गर्दी झाल्यास कार्यालयातील कर्मचाऱ्यांकडूनच‎ नागरिकांना तिकीट काढण्यासाठी खासगी एजंटकडे‎ जाण्याचा सल्ला दिला जात आहे. कार्यालयाच्या‎ परिसरात प्रचंड अस्वच्छता पसरली असून त्यातून दुर्गंधी‎ निर्माण हाेत असून येथे रांगेत उभ्या असलेल्या‎ नागरिकांना प्रचंड त्रासाचा सामना करावा लागत आहे. या‎ प्रकाराकडे अधिकाऱ्यांकडून दुर्लक्ष केले जात आहे. मार्च‎ महिन्यापर्यंत कार्यालय बंद करण्याच्या हालचाली सुरु‎ असल्याने कार्यालयाकडे रेल्वे प्रशासनाकडून दुर्लक्ष केले‎ जात असल्याची बाब डीबी स्टारच्या पाहणीत समोर‎ आली आहे.

यावर डीबी स्टारने टाकलेला हा‎ प्रकाशझोत...‎ नाशिकरोड रेल्वेस्थानकावरून देशाच्या विविध‎ राज्यांत जाण्यासाठी तिकीट आरक्षित करणाऱ्यांची संख्या‎ लक्षणीय आहे. मात्र, शहरातील लोकांना नाशिक रोडला‎ येऊन तिकीट आरक्षित करणे त्रासदायक असल्याने‎ रेल्वेकडून खास प्रवाशांच्या सोयीसाठी शरणपूर परिसरात‎ रिझर्व्हेशन कार्यालय सुरू करण्यात आले आहे. दोन‎ गाळ्यांमध्ये तिकीट आरक्षित बुकिंगचे काम चालते. पूर्वी‎ येथे चार खिडक्या हाेत्या. मात्र, आता तीन खिडक्या बंद‎ करण्यात आल्याने येथे तिकीट आरक्षणासाठी येणाऱ्या‎ नागरिकांना त्रास सहन करावा लागत आहे. एकच‎ खिडकी सुरू असल्याने तेथे शेकडो नागरिकांची रांग‎ लागल्याचे दिसून येत आहे.

पूर्वी या ठिकाणी सकाळी‎ तीन व दुपारी तीन, अशा सहा खिडक्या दिवसातून दोन‎ वेळेस सुरू हाेत्या. त्यामुळे शहरातील नागरिकांना तिकीट‎ काढणे सोयीचे ठरत हाेते.‎ सकाळपासूनच कार्यालयात गर्दी : तिबेटियन‎ मार्केट परिसरातील रेल्वेचे तिकीट रिझर्व्हेशन कार्यालयात‎ सकाळपासूनच गर्दी होते. गर्दी झाली की कर्मचाऱ्यांकडून‎ ‘वायटीएसके'' एजंटकडे तिकिटं काढण्याचा सल्ला‎ दिला जातो. त्यामुळे अनेक लोक त्या एजंटकडे जाऊन‎ जास्त पैसे देऊन तिकिटे घेतात.‎

नागरिकांचा त्रास थांबवा‎ अन‌् खिडक्या सुरू करा‎
शहरातील रेल्वे रिझर्व्हेशन कार्यालयात एकच खिडकी सुरू असल्याने नागरिकांची लागलेली माेठी रांग.‎
कार्यालयालाच कचराकुंडीचे स्वरूप‎

कार्यालयात‎‎ प्रचंड‎ अस्वच्छता‎
शहरातील रिझर्व्हेशन कार्यालय बंद करण्याचा विचार रेल प्रशानाकडून सुरू असल्याचे‎ कर्मचाऱ्यांकडून सांगितले जात आहे. त्यामुळे कार्यालयात केवळ एक खिडकी सुरू‎ असून याठिकाणी आता स्वच्छताही केली जात नसल्याचे चित्र आहे आहे. मागील‎ काही दिवसांपासून कार्यालयातील कचराच फेकला गेला नसल्याचे कार्यालयातच प्रचंड‎ घाण पडलेली दिसून आली.‎

तत्काळ तिकीट सेवा बंद‎
शहरातील रिझर्व्हेशन कार्यालय बंद करण्याचा विचार रेल‎ प्रशानाकडून सुरू असल्यानेच केवळ एकच खिडकी सुरू‎ असल्याचे एका कर्मचाऱ्याकडून सांगण्यात आले. पहाटे ५‎ वाजेपासून तत्काळ तिकीटसाठी रांगेत उभे राहूनही अनेकांना‎ तिकिटे मिळत नाहीत. तसेच न सांगताच याठिकाणी तत्काळ‎ तिकिटांची सेवा बंद करण्यात आल्याचे यावेळी समोर आले.‎ एका तिकीटसाठी दीड ते दोन तास कार्यालयात वेटिंग करावी‎ लागत असल्याचे चित्र आहे.‎

कार्यालयातील स्वच्छतेकडे‎ जाणीवपूर्वक दुर्लक्ष‎
‎या रेल्वेचे तिकीट‎ ‎ रिझर्व्हेशन कार्यालयात‎ ‎ प्रचंड अस्वच्छता‎ ‎ पसरलेली आहे.‎ ‎ कार्यालयात ठिकठिकाणी‎ ‎ कचरा पडलेला असून‎ कार्यालयाला कचराकुंडीचे स्वरूप प्राप्त‎ झालेले आहे. - विलास खांडबहाले,‎ नागरिक‎

कार्यालय बंद केल्यास आंदाेलन‎ उभारले जाईल‎
‎तिबेटियन मार्केट‎ ‎परिसरातील रेल्वेचे तिकीट‎ ‎ रिझर्व्हेशन कार्यालय मार्च‎ ‎ महिन्यात बंद होणार असल्याने‎ ‎ या कार्यालयाकडे‎ ‎ अधिकाऱ्यांकडून दुर्लक्ष केले‎ जात असल्याचे तेथील कर्मचाऱ्यांकडून सांगण्यात‎ आले. कार्यालय बंद केले तर आंदोलन करू. -‎ युवराज अहिरे, नागरिक‎

बातम्या आणखी आहेत...