विभागीय स्पर्धा:आदिवासी विकास विभागाच्या क्रीडा‎ स्पर्धांना प्रारंभ, 2831 खेळांडूचा सहभाग‎

अपर आयुक्त आदिवासी विकास‎ विभाग अंतर्गत शासकीय व अनुदानित आश्रमशाळा विद्यार्थ्यांच्या विभागीय‎ क्रीडा स्पर्धांना बुधवारी (दि. १)‎ पाेलिस परेंड ग्राउंड येथे प्रारंभ झाला. आदिवासी विभागाचे अपर आयुक्त‎ तुषार माळी यांनी यावेळी मार्गदर्शन ‎करताना सांगितले की, विद्यार्थ्यांना ‎अभ्यासाबरोबर शारीरिक तंदुरुस्तीसाठी ‎ ‎ खेळ गरजेचे असल्याने विद्यार्थ्यांनी ‎ खेळामध्येही प्रावीण्य मिळवावे.‎

मागील दोन वर्षांत कोरोना परिस्थिती ‎असल्याने आदिवासी विकास‎ विभागांतर्गत स्पर्धा घेण्यात आल्या‎ नाहीत. परंतु यावर्षी प्रकल्पस्तर‎ विभागस्तर व राज्यस्तर अशा विविध ‎ ‎ पातळीवर खेळाडूंना आपले खेळ गुण ‎ ‎ दाखविण्याची संधी मिळाली असल्याने‎ या संधीचा फायदा घेऊन जास्तीत‎ जास्त खेळाडूंनी खेळामध्ये चांगली ‎ ‎ कामगिरी करून आपला सहभाग ‎ ‎ राज्यस्तरीय स्पर्धेसाठी निश्चित करावा.‎ विभागीय क्रीडा स्पर्धामध्ये‎ आदिवासी विकास विभागातील‎ नाशिक, कळवण ,धुळे, नंदुरबार,‎ तळोदा, यावल व राजूर या सात‎ प्रकल्पांतर्गत २१३ शासकीय व २११‎ अनुदानित आश्रमशाळांमधील एकूण‎‎ २८३१ खेळाडूंनी सहभाग घेतला‎ आहे.या क्रीडा स्पर्धामध्ये कबड्डी,‎ खो-खो, व्हॉलीबॉल, हॅण्डबॉल सह‎ विविध वैयक्तिक खेळ प्रकारांचा‎ समावेश आहे. या क्रीडा स्पर्धा यशस्वी‎ खेळाडूंचे विविध क्रीडाप्रकारात‎ गुणांकन करण्यात येणार असुन‎ प्रावीण्यप्राप्त खेळाडूंची निवड‎ राज्यस्तरीय क्रीडास्पर्धाकरिता होणार‎ आहे.

खेळाडूंनी खेळभावनेने सहभागी‎ होऊन खेळाचा गौरव वाढवावा.‎खेळाडूनी आपल्या विभागाचे नाव‎ उंचवावे शासकीय नोकरीत खेळाच्या‎ गुणांना महत्त्व असुन त्यादृष्टीने‎ खेळाडुनी खेळात आपले सर्वोत्तम द्यावे ‎असे आपल्या प्रास्ताविकात स्पर्धांचे आयोजक अपर आयुक्त संदीप‎ गोलाईत यांनी दिली. विद्यार्थी जीवनात ‎ ‎ बौद्धिक विकास होण्यासाठी अभ्यास ‎आणि शारिरीक व मानसिक विकास ‎होण्यासाठी खेळ गरजेचे आहे , असे ‎मार्गदर्शन सहा.जिल्हाधिकारी तथा‎ प्रकल्प अधिकारी तृप्ती धोडमिसे यांनी केले.क्रीडा स्पर्धेच्या उद्घाटन प्रसंगी‎ सर्व प्रकल्पातील खेळाडूंनी भोसला मिलिटरी स्कूलच्या बॅण्ड पथकासोबत ‎ संचलन केले त्यानंतर शासकीय आश्रमशाळा टिटवे येथील खेळाडूंनी ‎ ‎ रिदमिक योगा व शासकीय इंग्रजी‎ माध्यम आश्रमशाळेच्या विद्यार्थ्यांनी ‎ म्युझिकल गेम परफॉर्मन्सने‎ उपस्थितांची व खेळाडूंची मने जिंकली. ‎

‎ या उद्घाटन समारंभासाठी प्रमुख‎ अतिथी म्हणून महाराष्ट्र पोलिस ‎अकॅडमीच्या प्रभारी संचालिका अनिता ‎पाटील, उपसंचालक डॉ. शिवाजी‎ पवार, प्रदीप जाधव, तसेच जिल्हा‎ क्रीडा अधिकारी अविनाश टिळे आदी ‎उपस्थित हाेते.‎ सहायक जिल्हाधिकारी तथा प्रकल्प ‎ ‎ अधिकारी जितिन रहमान यांनी ‎ ‎ कार्यक्रमाचे आभार प्र दर्शन केले.‎ तसेच उद्धव काळापहाड यांनी‎ कार्यक्रमाचे सुत्रसंचालन केले.‎