पेच:परीक्षांचे वेळापत्रक बदलण्याची राज्य शासनाकडे विद्यार्थी संघटनांकडून मागणी‎

राज्य सरकारतर्फे घेण्यात येणारी‎ डी.एड आणि बी.एडची परीक्षा व‎ केंद्र सराकारमार्फत घेण्यात येणारी‎ शिक्षक पात्रता परीक्षा (CTET) या‎ दोन्ही परीक्षा एकाच वेळी आल्या‎ आहेत. विद्यार्थ्यांची मोठी अडचण‎ झाली असून, वेळपत्रकात बदल न‎ झाल्यास विद्यार्थ्यांना यापैकी एका‎ परीक्षेला मुकावे लागणार असल्याने‎ त्यांनी तीव्र नाराजी व्यक्त करताना‎ परीक्षांच्या वेळापत्रकात आता‎ बदलाची अपेक्षा व्यक्त केली आहे.‎ शिक्षक होण्यासाठी आवश्यक‎ असलेली पदवीका( डी.एड) आणि‎ पदवी (बी.एड) या दोन्ही अभ्यासक्‎ रमांच्या परीक्षांच्या तारखा शिक्षण‎ विभागाच्या वतीने तीन वेळा‎ बदलल्या होत्या. प्रत्येकी परीक्षा पुढे‎ ढकलण्यात आल्या.

अन् आता १०‎ जानेवारी ते १८ जानेवारी दरम्यान‎ घेण्यात येणार असल्याचेी जाहीर‎ करण्यात आले. त्यानुसार‎ विद्यार्थ्यांकडून अभ्यासही सुरु झाला.‎ दरम्यान आता मोठी अचडण निर्माण‎ झाली आहे. डी.एड (प्राथमिक‎ शिक्षकांसाठी) आणि बी.एड‎ (माध्यमिक शिक्षकांसाठी) या दोन्ही‎ पदविका आणि पदवी प्राप्त‎ उमेदवारांना थेट शिक्षक म्हणून रुजु‎ केले जात नाही. तर त्यासाठी‎ शासनाने ‘शिक्षक पात्रता परीक्षा’‎ उत्तीर्णतेची अट घातली आहे. हीच‎ परीक्षा आता १३ आणि १७‎ जानेवारीला होणार आहे. म्हणजे‎ दोन्ही परीक्षांची वेळ एकच झाली‎ आहे. शिवाय परीक्षा केंद्र हे ‎ ‎ एकमेकांपासून दूर आहे. त्यामुळे ‎ ‎ विद्यार्थ्यांना दोन्हींपैकी एकच परीक्षा‎ देता येईल. एका परीक्षेला मुकावे ‎ ‎ लागणार असल्याने विद्यार्थ्यांमध्ये ‎ ‎ संभ्रमासोबतच नाराजीही वाढली‎ आहे.‎

राज्य शासनाने या मुद्द्याकडे लक्ष देऊन‎ डीएड आणि बीएड या परीक्षांची तारीख पुढे‎ ढकलावी. असेही यापूर्वी ती ३ वेळा‎ बदलण्यात आली आहे. त्यामुळे विद्यार्थ्यांचे‎ नुकसान होणार नाही. शिवाय कुठल्याही‎ दडपण किंवा नाराजीशिवाय विद्यार्थी दोन्ही‎ परीक्षा देऊ शकतील.‎ - रमीज पठाण, शहर उपाध्यक्ष रा.वि.काँ.‎