दिव्य मराठी विशेष:शहरावर सीसीटीव्हीसह चार ड्राेनचीही नजर‎

सिंहस्थ कुंभमेळ्यासह गाेदावरी‎ नदीच्या दाेन्ही किनाऱ्यावर लाभलेले‎ धार्मिक अधिष्ठान, वर्षभरात देशातील‎ नव्हे तर जगभरातून भाविकांची हाेणारी‎ गर्दी तसेच अलिकडेच वाइन कॅपिटल‎ अशी नवीन आेळख झालेल्या शहरावर‎ लक्ष ठेवण्यासाठी सीसीटीव्ही‎ कॅमेऱ्यांबराेबरच चार ड्राेनही दिले‎ जाणार आहे. नाशिक म्युनिसिपल‎ स्मार्ट सिटी डेव्हलपमेंट काॅर्पोरेशन‎ लिमिटेड कंपनीतर्फे महापालिका आणि‎ पोलिस खात्याला प्रत्येकी दोन ड्रोन‎ कॅमेरे देण्यात येणार आहेत.‎ सध्या आधुनिक सुरक्षिततेचे‎ उपाययाेजना म्हणून सीसीटीव्ही कॅमेरे‎‎‎‎‎‎‎‎‎‎ व ड्राेनकडे बघितले जाते.

स्मार्ट सीटी‎ कंपनीमार्फत जवळपास आठशे कॅमेरे‎ बसवण्याचे काम सुरू आहे. दरम्यान,‎ आता स्मार्ट सिटी मिशन अंतर्गत केंद्र‎ शासनाच्या मार्गदर्शक तत्त्वांनुसार‎ नाशिक म्युनिसिपल स्मार्ट सिटी‎ डेव्हलपमेंट कार्पाेरेशन लिमिटेड‎ कंपनीद्वारे इम्प्लिमेंटेशन अ‍ॅँड मेन्टेनन्स‎ आॅफ इंटिग्रेटेड सर्व्हेलन्स अ‍ॅँड सिटी‎ आॅपरेशन्स प्लॅटफॉर्म फॉर इमर्जन्सी‎ आॅपरेशन सेंटर या प्रकल्पांतर्गत ड्रोन‎ कॅमेऱ्यांच्या माध्यमातून शहरावर‎ नियंत्रण ठेवण्याचा प्रयत्न आहे.‎ ड्रोनच्या माध्यमातून पूर परिस्थितीचे‎ निरीक्षण, आगामी सिंहस्थ‎ कुंभमेळ्यातील गर्दीचे नियंत्रण, विविध‎ ठिकाणांचे अचूक मॅपिंग तसेच‎ आपत्कालीन परिस्थितीवर नियंत्रण‎ ठेवण्यास मदत होणार आहे.‎ यासोबतच या प्रकल्पांतर्गत नाशिक‎ शहरात २०० सीसीटीव्ही कॅमेरे‎ बसविण्यात येणार असून महापालिका‎ मुख्यालय राजीव गांधी भवन, तसेच‎ सहाही विभागीय कार्यालयांमध्ये‎ आपत्ती व्यवस्थापन केंद्र उभारण्यात‎ येणार आहे.‎

ड्रोनचा कशापध्दतीने वापर करावा,‎ त्यासाठी कोणते सॉफ्टवेअर वापरले‎ पाहिजे, ड्रोन वापरताना कोणती‎ काळजी घेतली पाहिजे याची माहिती‎ प्रशिक्षण घेणाऱ्या मनपा व पाेलीस‎ कर्मचाऱ्यांना दिली. सर्व प्रशिक्षणार्थींची‎ परीक्षा घेऊन त्यांना ड्रोन वापरण्याचा‎ परवाना देण्यात आला. यावेळी‎ महापालिका आयुक्त डॉ. चंद्रकांत‎ पुलकुंडवार, पोलिस आयुक्त अंकुश‎ शिंदे, स्मार्ट कंपनीचे मुख्य कार्यकारी‎ अधिकारी सुमंत मोरे, आयटी‎ विभागाचे महाव्यवस्थापक अनिल‎ तडकोड, उपमहाव्यवस्थापक सुधीर‎ गोराडे तसेच ड्रोन कॅमेऱ्यांचे‎ प्रशिक्षणार्थी उपस्थित होते.‎