‎दिव्य मराठी‎ एक्सल्युझिव्ह‎:बांधकामावेळचे 52 हजारांचे वीजबिल‎ थकले; स्थानकाचे लाेकार्पण अडकले‎

‎ सातपूर बस स्थानकाला लागलेली घरघर‎ काही केल्या कमी हाेईना. तीन काेटी रुपये‎ खर्चून या स्थानकाचे काम पूर्ण झाले मात्र‎ अद्यापही बांधकाम पूर्णत्वाचा दाखल न‎ मिळाल्याने आणि पूर्वीच्या ठेकेदाराने ५२‎ हजार रुपयांचे वीजबिल न भरल्यामुळे‎ स्थानकाचे लाेकार्पण रखडले आहे.‎ गेल्या दहा वर्षात तीन वेळा भूमिपूजन‎ झालेल्या सातपूर बस स्थानकाच्या‎ लाेकार्पणाला काही केल्या मुहूर्त लागेना. ११‎ फेब्रुवारीला सातपूर येथे झालेल्या भाजपा‎ प्रदेश कार्यकारिणीच्या बैठकीप्रसंगी उपस्थित‎ उपमुख्यमंत्री देवेंद्र फडणवीस यांच्या हस्ते‎ उद्घाटन करण्याचे निश्चित झाले हाेते.

मात्र‎ पूर्वीच्या ठेकेदाराने बांधकामासाठी घेतलेल्या‎ वीज जाेडणीचे ५२ हजार रुपयांचे बिल‎ थकविले आहे. आता वीज कंपनी पैसे‎ भरल्याशिवाय नवीन जाेडणी देण्यास तयार‎ नाहीत. हे संपूर्ण काम सार्वजनिक बांधकाम‎ विभागाच्या अखत्यारीत झालेले असल्याने‎ राज्य परिवहन मंडळाने बांधकाम विभागास‎ पत्र देऊन थकीत वीज बिल भरण्यास‎ सांगितले आहे. उद्घाटन हाेणार म्हणून‎ आयुक्त डाॅ. चंद्रकांत पुलकुंडवार यांनी‎ स्थानक परिसराची पाहणी करून‎ आजूबाजूचे सर्व अतिक्रमणही हटवले आहे.‎ या स्थानकात सर्व प्रकारच्या सेवा सुविधा उपलब्ध आहेत. महिला‎ व पुरुष कर्मचाऱ्यांसाठी स्वतंत्र विश्रामगृहाची व्यवस्था करण्यात‎ आली आहे. त्र्यंबकेश्वरकडून येणाऱ्या सर्व बसेस या स्थानकावर‎ थांबणार असल्याने प्रवाशांना लाभ हाेणार आहे.‎

वीज कंपनीने दिला नकार
राज्य परिवहन विभागाने वीज‎ जाेडणी घेण्यासाठी वीज वितरण‎ कंपनीकडे अर्ज केला. मात्र बस‎ स्थानकाचे काम केलेले ठेकेदार‎ प्रतीक पी. बडगुजर यांनी‎ बांधकामासाठी वारपलेल्या वीज‎ देयकाची रक्कम अदा न केल्यामुळे‎ नवीन जाेडणीस नकार दिला.‎ त्यामुळे परिवहन मंडळाने‎ सार्वजनिक बांधकाम विभागाच्या‎ कार्यकारी अभियंत्यांना पत्र पाठवून‎ ठेकेदारास आपल्या स्तरावरून बिल‎ भरण्यास सांगण्याची विनंती केली‎ आहे.‎

बसस्थानकात‎ अनेक सुविधांची‎ उपलब्धी‎
या स्थानकात सर्व प्रकारच्या सेवा सुविधा उपलब्ध आहेत. महिला‎ व पुरुष कर्मचाऱ्यांसाठी स्वतंत्र विश्रामगृहाची व्यवस्था करण्यात‎ आली आहे. त्र्यंबकेश्वरकडून येणाऱ्या सर्व बसेस या स्थानकावर‎ थांबणार असल्याने प्रवाशांना लाभ हाेणार आहे.‎

हस्तांतराची प्रक्रिया सुरू‎
वीज बिलाबाबत सार्वजनिक बांधकाम‎ ‎ विभागाला पत्र दिले‎ ‎ आहे. त्यांच्याकडून हा‎ ‎ प्रश्न मार्गी लावला‎ ‎ जाईल. आमच्याकडून‎ ‎ हस्तांतराची प्रक्रिया‎ ‎ सुरू झाली आहे.‎ दहा-पंधरा दिवसांत त्याचे उद्घाटनही‎ होईल. - अरुण सिया, विभाग नियंत्रक,‎ राज्य परिवहन मंडळ‎

‎लवकरच हाेणार उद्घाटन‎
वीज बिलाचा व उद्घाटनाचा काहीही‎ ‎ संबंध नाही. मुळात‎ ‎ ठेकेदाराची अनामत‎ ‎ रक्कम जमा असते.‎ ‎ त्यामुळे बिल भरण्याची‎ ‎ अडचण नाही.‎ ‎ लवकरच उपमुख्यमंत्री‎ देवेंद्र फडणवीस यांची तारीख घेऊन‎ स्थानकाचे उद्घाटन केले जाईल.‎ - आमदार सीमा हिरे‎