जनजागृती:प्लम्बिंग दिनानिमित्त आज वाॅटर‎ वाॅकेथाॅन, आठवडाभर कार्यक्रम‎

जागतिक प्लम्बिंग दिवस येत्या ११ मार्च रोजी‎ साजरा करण्यात येणार असून त्यानिमित्ताने‎ इंडियन प्लम्बिंग असोसिएशनने आजपासून‎ (दि. ४) विविध कार्यक्रमांचे आयाेजन केले‎ आहे. सकाळी ७ वाजता कॉलेजराेड येथे‎ सपट महाविद्यालयापासून वाॅटर वाॅकेथाॅन‎ रॅली सुरू हाेईल. यात पाणी बचतीचे महत्त्व‎ पटवून देण्यात येईल.‎ जलजागृती, जलसंवर्धन तसेच सुयोग्य‎ प्लम्बिंग याबाबतीत देशव्यापी जनजागृती‎ करण्यासाठी ४ ते ११ मार्चदरम्यान‎ जनजागृतीपर कार्यक्रमांचे आयोजन करण्यात‎ आल्याची माहिती नाशिक शाखेचे अध्यक्ष‎ मिलिंद शेटे यांनी दिली.

आरोग्य तपासणी‎ आणि वॉटर वॉकेथॉन यातील नावीन्यपूर्ण‎ उपक्रम आहे. शहरातील विविध विद्यार्थी‎ तसेच प्लम्बिंग व्यावसायिक एकत्र येऊन‎ “पाणी बचाव जागृती रॅली” काढणार आहे. ४‎ नाशिक रनर्सचे संस्थापक एन. टी. वाघ,‎ संजय अमृतकर व धावपटू मनीषा राैंदळ‎ यांच्या उपस्थितीत रॅलीला सुरुवात होईल.‎ ‎‘पाणी बचतीचे महत्त्व’ या विषयावर‎ आंतरशालेय चित्रकला स्पर्धा, पाणी बचत व‎ नियोजन यावर आंतर निबंध स्पर्धा हाेईल.‎