आदिवासी विभागाच्या क्रीडा स्पर्धांना प्रारंभ:7 प्रकल्पातंर्गत 213 शासकीय, 211 अनुदानित आश्रमशाळांच्या 2831 खेळांडूचा सहभाग

अपर आयुक्त आदिवासी विकास विभाग अंतर्गत शासकिय व अनुदानित आश्रमशाळा विदयार्थ्यांच्या विभागिय क्रिडा स्पर्धांना बुधवारी (दि. १) पाेलिस परेंड ग्राऊंड येथे सुरुवात झाली.

आदिवासी विभागाचे अपर आयुक्त तुषार माळी यांनी यावेळी मार्गदर्शन करतांना सांगितले की, विदयार्थ्यांना अभ्यासाबरोबर शारिरीक तंदरुस्तीसाठी खेळ गरजेचे असल्याने विद्यार्थ्यांनी खेळामध्येही प्राविण्य मिळवावे. मागील दोन वर्षात कोरोना परिस्थिती असल्याने आदिवासी विकास विभागातंर्गत स्पर्धा घेण्यात आल्या नाहीत. परंतु यावर्षी प्रकल्पस्तर विभागस्तर व राज्यस्तर अशा विविध पातळीवर खेळाडूंना आपले खेळ गुण दाखविण्याची संधी मिळाली असल्याने या संधीचा फायदा घेऊन जास्तीत जास्त खेळाडूंनी खेळामध्ये चांगली कामगिरी करून आपला सहभाग राज्यस्तरीय स्पर्धेसाठी निश्चित करावा.

विभागिय क्रीडा स्पर्धामध्ये आदिवासी विकास विभागातील नाशिक,कळवण ,धुळे नंदुरबार तळोदा,यावर व राजुर या सात प्रकल्पातंर्गत २१३ शासकीय व २११ अनुदानित आश्रमशाळांमधील एकूण २८३१ खेळाडूंनी सहभाग घेतला. या क्रीडा स्पर्धामध्ये कबड्डी, खो-खो, व्हॉलीबॉल, हॅण्डबॉल सह विविध वैयक्तिक खेळ प्रकारांचा समावेश आहे. या क्रीडा स्पर्धा यशस्वी खेळाडुंचे विविध क्रिडाप्रकारात गुणांकन करण्यात येणार असुन प्राविण्याप्राप्त खेळाडुंची निवड राज्यस्तरीय क्रिडास्पर्धाकरिता होणार आहे.

खेळाडुनी खेळभावनेने सहभागी होऊन खेळाचा गौरव वाढवावा .खेळाडुनी आपल्या विभागाचे नांव उंचवावे शासकिय नोकरीत खेळाच्या गुणांना महत्व असुन त्यादृष्टीने खेळाडुनी खेळात आपले सर्वोत्तम दयावे असे आपल्या प्रास्ताविकात स्पर्धांचे आयोजक अपर आयुक्त, आदिवासी विकास विभाग, नाशिक श्री. संदिप गोलाईत यांनी दिली. विदयार्थी जिवनात बौध्दिक विकास होण्यासाठी अभ्यास आणि शारिरीक व मानसिक विकास होण्यासाठी खेळ गरजेचे आहे असे सहा. जिल्हाधिकारी तथा प्रकल्प अधिकारी तृप्ती धोडमिसे म्हणाल्या.

क्रीडा स्पर्धेच्या उद्घाटन प्रसंगी सर्व प्रकल्पातील खेळाडूंनी भोसला मिलीटरी स्कूलच्या बॅण्ड पथकासोबत संचालन केले त्यानंतर शासकीय आश्रमशाळा टिटवे येथील खेळाडूनी रिदमिक योगा व शासकीय इंग्रजी माध्यम आश्रमशाळेच्या विद्यार्थ्यांनी म्युझिकल गेम परफॉर्मन्सने उपस्थितांची व खेळाडूंची मने जिंकली.

या उद्घाटन समारंभासाठी प्रमुख अतिथी म्हणून महाराष्ट्र पोलीस अकॅडमीच्या प्रभारी संचालिका अनिता पाटील, उपसंचालक डॉ. शिवाजी पवार, प्रदिप जाधव, तसेच जिल्हा क्रिडा अधिकारी अविनाश टिळे आदी उपस्थित हाेते. सहाय्यक जिल्हाधिकारी तथा प्रकल्प अधिकारी जितिन रहमान यांनी कार्यक्रमाचे आभार दर्शन केले. तसेच उध्दव काळापहाड यांनी कार्यक्रमाचे सूत्रसंचालन केले.