धक्कादायक:सावकाराच्या जाचामुळे दोघा सख्ख्या‎ भावांचे विषप्राशन, एकाचा मृत्यू

सातपूर येथे खासगी सावकारांच्या जाचाला कंटाळून‎ एकाच कुटुंबातील वडील आणि दाेन तरुण मुलांनी‎ आत्महत्या केल्याचा प्रकार ताजा असतानाच रविवारी‎ (दि. ५) सायंकाळच्या सुमारास नाशिकराेड‎ परिसरातील दाेघा सख्ख्या भावांनी सावकाराच्या‎ जाचाला कंटाळून विष प्राशन करत आत्महत्येचा‎ प्रयत्न केला. यामध्ये भालेराव मळा येथील भावाचा‎ दुर्दैवी मृत्यू झाला तर एकलहरेराेडवरील दुसरा भाऊ‎ चिंताजनक आहे.

या घटनेमुळे नाशिकराेड परिसरात‎ मृताच्या नातेवाइकांनी रास्ता राेकाे आंदाेलन करत‎खासगी सावकारावर कारवाई‎करण्याची मागणी केली. रात्री‎उशिरापर्यंत उपनगर व नाशिकराेड‎पाेलिस ठाण्यात नातेवाइकांनी गर्दी‎केली हाेती. उशिरापर्यंत गुन्हा दाखल‎करण्याचे काम सुरू हाेते. रवींद्रनाथ‎कांबळे असे मृताचे नाव आहे.‎पोलिसांनी दिलेली माहिती अशी,‎ नाशिकरोड येथे राहणारे जगन्नाथ लक्ष्मण कांबळे व‎ रवींद्रनाथ लक्ष्मण कांबळे हे दोघे सख्खे भाऊ‎ नाशिकरोड येथील एका राजकीय पक्षाशी संबंधित‎ नेत्याच्या भावाकडे कामाला हाेते. दोघे भाऊ या‎ संशयित सावकाराकडे कर्जदारांकडून वसुलीचे काम‎ करत आहे.

या दोघांकडून कर्ज वसूल होत नसल्याने‎ संशयित सावकाराने दोघांना कर्जाची रक्कम‎ फेडण्यासाठी तगादा लावला होता. या जाचाला‎ कंटाळून दोघांनी विष घेत आत्महत्येचा प्रयत्न केला.‎ यात रवींद्रनाथ याचा मृत्यू झाला. जगन्नाथची प्रकृती‎ चिंताजनक आहे. याविरोधात मृताच्या नातेवाइकांनी‎ संशयित सावकारावर गुन्हा दाखल करण्याच्या‎ मागणीकरिता बिटकाे चाैकात रास्ता रोको आंदोलन‎ केले. अचानक झालेल्या आंदोलनाने नाशिकरोड‎ पोलिसांची धावपळ उडाली. पोलिस अधिकाऱ्यांनी‎ नातेवाइकांची समजूत काढण्याचा प्रयत्न केला मात्र ते‎ एेकण्याच्या मनस्थितीत नसल्याने तणाव निर्माण झाला.‎

नातेवाइकांचा आरोप‎
राजकीय पक्षाचा पदाधिकारी असलेल्या‎ नेत्याचा भाऊ खासगी सावकारी व्यवसाय‎ करताे. त्याच्या जाचाला कंटाळून व‎ भीतीपाेटी कांबळे बंधुंपैकी एक भाऊ घर‎ साेडून निघून गेला हाेता. नाशिकराेड‎ पाेलिस ठाण्यात याप्रकरणी मिसिंगची‎ तक्रारही दाखल आहे. यानंतरही‎ वसुलीसाठी तगादा सुरूच असल्याने दाेघा‎ भावांनी आत्महत्येचे पाऊल उचलल्याचा‎ आराेप नातेवाइकांनी केला आहे. राजकीय‎ पक्षाच्या नावाने धमकी देणे, कुटुंबियांना‎ शिवीगाळ करणे, जीवे मारण्याची धमकी‎ देणे हे प्रकार सुरू होते.‎

सावकारीचा फास‎
खासगी सावकारांच्या‎ जाचाने शहरात‎ आत्महत्यांचे सत्र सुरू झाले‎ आहे. या घटनांवरून‎ खासगी सावकारीचा फास‎ घट्ट आवळत चालल्याचे‎ दिसून येत आहे. याबाबत‎ ठाेस कारवाई संबंधित‎ यंत्रणाकडून हाेण्याची‎ आवश्यकता आहे.‎‎ सावकारांच्या दहशतीमुळे‎ तक्रार देण्यास काेणी‎ धजावत नाही.‎

आतापर्यंत शहरात पाच‎ आत्महत्यांच्या घटना‎
खासगी सावकाराच्या जाचाला‎ कंटाळून दांपत्याने राहत्या घरी‎ गळफास लावून घेत आत्महत्या‎ केल्याची घटना इंदिरानगर परिसरात‎ घडली हाेती. त्यानंतर सातपूर‎ येथील एकाच कुटुंबातील तीन‎ सदस्यांनी गळफास लावून‎ आत्महत्या केली. या प्रकाराने‎ शहरात सावकारीचा पाश घट्ट हाेत‎ चालल्याचे धक्कादायक वास्तव‎ दिसून येत आहे.‎