डिझेल संपल्याने यंत्रणा पडली बंद‎:आरटीओचे वाहन क्षमता चाचणी केंद्र‎ दुपारपर्यंत बंदच ; चालकांचे हाल‎

‎वीज कर्मचारी संपाचा फटका‎ सामान्य नागरिकांना बसला.‎ बुधवारी (दि. ४) सकाळपासूनच‎ आरटीओ परिसरातील‎ वीजपुरवठा खंडित झाल्याने‎ त्याचा त्रास वाहनचालकांना सहन‎ कराव‍ा लागला. आरटीओ‎ कार्यालयातील वाहन फिटनेस‎ चाचणी केंद्रातील जनरेटरमधील‎ डिझेल संपल्याने दुपारी दीडपर्यंत‎ केंद्रातील सर्व काम ठप्प झाले‎ होते. यामुळे वाहनांच्या रागा‎ केंद्राबाहेर लागल्या हाेत्या.‎ राज्यातील पहिली अद्ययावत‎ फिटनेस चाचणी यंत्रणा‎ नाशकातील प्रादेशिक परिवहन ‎ ‎ कार्यालयात बसविली अाहे.‎ सकाळपासूनच या भागात वीज‎ नसल्याने तसेच, जनरेटरमधील‎ डिझेलही सकाळपासूनच‎ संपल्याने केंद्रातील काम ठप्प‎ झाले होते. यामुळे केंद्रा बाहेर‎ वाहनांच्या रागा लागलेले दिसून‎ आले. दुपारी दीडला वीजपुरवठा‎ सुरळित झाल्यानंतर वाहनांच्या‎ फिटनेसलाही सुरुवात झाली.‎

अपॉईंटमेंट घेणाऱ्या वाहनचालकांचे हाल‎ या चाचणी केंद्रावर केवळ‎ व्यावसायिक (कमर्शियल)‎ वाहनांचीच येथे तपासणी केली‎ जात आहे. या केंद्रामध्ये थ्री‎ व्हीलर्स, लाईट व्हेईकल्स, हेव्ही‎ व्हेईकल्स आणि अवजड‎ वाहनांसाठी वेगवेगळे असे एकूण‎ चार ट्रॅक करण्यात आले. प्रत्येक‎ ट्रॅकवर वाहनाला पीयूसी टेस्ट, ब्रेक‎ आणि तिसऱ्या टप्प्यात हेडलाइटस,‎ स्टेअरींग प्ले, सस्पेशन चाचणीला‎ सामोरे जावे लागते. संगणक‎ यंत्रणेच्या माध्यमातून या सर्व‎ तपासण्या केल्या जात असून‎ आरटीओकडून अपॉईंटमेंट घेणाऱ्या‎ वाहनांचीच तपासणी केली जाते.‎ मात्र, बुधवारी अपॉईंटमेंट घेणारे‎ वाहनचालकांचे ही प्रचंड हाल झाले‎ असून अनेकांना पुढील तारखेचा‎ अपॉईंटमेंट देण्यात आला.‎