नरेंद्र चपळगाावकर विद्राेहीच्या मांडवात:सौहार्दाच्या एका नव्या परंपरेची सुरुवात; अनेकदा परस्पर विरोधी भूमिकांचीच चर्चा जास्त

गेेल्या 17 वर्षांपासून अखिल भारतीय मराठी साहित्य संमेलनाला विराेध म्हणून सुरू झालेल्या विद्राेही साहित्य संमेलनाच्या मांडवातच 96व्या अखिल भारतीय मराठी साहित्य संमेलनाचे अध्यक्ष माजी न्यायमूर्ती नरेंद्र चपळगावकरांनी हजेरी लावली. यामुळे मात्र साहित्यिक वर्तुळात आणि साहित्य संमेलन परिसरात एकच चर्चा सुरू हाेती.

अखिल भारतीय मराठी साहित्य संमेलनाला, त्यातून उमटणाऱ्या विचारांना आणि काेट्यावधी रुपयांच्या आयाेजनाला विराेध म्हणून 17 वर्षापूर्वी विद्राेही सांस्कृतिक चळवळीतून विद्राेही साहित्य संमेलनाला सुरुवात झाली. विराेधाची हीच धार तीव्र ठेवत यंदाही वर्धा येथील स्वावलंबी शिक्षण संस्थेच्या मैदानावर 96वे अखिल भारतीय मराठी साहित्य संमेलन सुरू आहे, तर त्याच्या मागेच सर्कस मैदानात 17वे विद्राेही मराठी साहित्य संमेलन सुरू आहे. संमेलनाचे दुपारी उद्घाटन झाल्यानंतर अचानकच 96व्या साहित्य संमेलनाचे अध्यक्ष नरेंद्र चपळगावकर यांनी सामाजिक कार्यकर्ते डाॅ. अभय बंग यांनी विद्राेही साहित्य संमेलनाच्या मंडपात हजेरी लावली. यामुळे अनेकांच्या भुवया उंचावल्या. विद्राेही संमेलनाचे संंयाेजके आयाेजक किशाेर ढमाले यांनी चपळगाावकर आणि डाॅ. बंग यांना सन्मानाने मंचाच्या एकदम पुढील साेफ्यावर तत्काळ जागा करुन दिली. तर यावेळी विद्राेही संमेलनाच्या वतीने डाॅ. बंग यांचा सूतमाला देऊन सत्कार करण्यात आला. डाॅ. बंग आणि चपळगावकर या ठिकाणाहून निघतानाच बाहेर गेलेले विद्राेहीचे अध्यक्ष वानखडे यांचे आगमन झाल्याने हे त्रयी समाेरासमाेर आले. यावेळी चपळगावकर आणि वानखडे यांच्यात काय चर्चा हाेते याची सगळ्यांनाच उत्सुकता हाेती. मात्र डाॅ. बंग यांनी वरखडे यांच्या तब्येतीची विचारपूस केली आणि ते चपळगावकर यांच्यासह बाहेर पडल्याचे ढमाले यांनी सांगतले. यामुळे प्रस्थापितांच्या संमेलनातील अध्यक्ष विद्राेही संमेलनात आल्याने एक वेगळीच चर्चा मात्र रंगली.

यापूर्वीही स्वागताध्यक्ष विद्राेहीच्या मंडपात

वर्ध्यातील संमेलनात संमेलनाध्यक्षच थेट विद्राेही साहित्य संमेलनाच्या मंडपात गेले. दर यापूर्वी साेलापूर येथे 8 वे विद्राेही मराठी साहित्य संमेलनाचे आयाेजन झाले हाेते. त्यावेळी 79 व्या अखिल भारतीय मराठी साहित्य संमेलनाचे स्वागताध्यक्ष लक्ष्मणराव ढाेबळे यांनीही विद्राेही साहित्य संमेलनाच्या मंडपात हजेरी लावली हाेती.