गॅस पाईपलाईनच्या‎ कामाचा बेजबाबदारपणा‎:उपेंद्रनगरला पाण्याची पाइपलाइन फुटली‎

गॅस पाइपलाइनचे काम करताना‎ नियोजनबद्ध व योग्य पद्धतीने करणे‎ आवश्यक असताना मनमानी करीत‎ असल्याने सिडकोतील उपेंद्रनगर‎ भागात पिण्याची पाइपलाइन‎ फुटल्याने लाखो लिटर पाण्याचा‎ अपव्यय झाला. शिवाय संपूर्ण‎ रस्त्यावर पाणीच पाणी झाल्याने‎ नागरिकांना त्रास सहन करावा‎ लागला.‎ शनिवारी (दि. ४) सायंकाळी‎ उपेंद््रनगर येथे अंबड लिंकरोडवर‎ गॅस पाइपलाइनचे काम सुरू‎ असताना जेसीबीने रस्ते खोदत‎ असल्याने त्याचा धक्का पिण्याच्या‎ पाइपलाइनला बसला. यामुळे‎ उपेंद्रनगरपासून पुढे उत्तमनगरपर्यंत‎ तब्बल २ ते ३ किमीपर्यंत संपूर्ण‎ रस्त्यांवर पाणीच पाणी वाहत होते.‎ उपेंद्रनगर येथे याच वेळेत भाजी‎ बाजार सुरू होता. नागरिक भाजी‎ घ्यायला जात असताना त्यांना‎ रस्त्यावरील पाण्याचा त्रास सहन‎ करावा लागला.‎

कामे करताना‎ निष्काळजीपणा‎
गॅस पाइपलाइनचे काम करताना ते‎ कसे करावे? याबाबत अनेक नियम‎ आहेत. महत्वाच्या ठिकाणी‎ जेसीबीद्वारे रस्ते न खोदता ते‎ माणसांकडून खोदून घ्यावेत. कारण‎ बहुतेक रस्त्याच्या आतमध्ये भूमिगत‎ वायर, पिण्याच्या पाइपलाइन गेल्या‎ आहेत. त्यांना धक्का न लागता‎ काम होणे अपेक्षित असताना‎ मनमानी सुरू असल्याने नागरिकांनी‎ संताप व्यक्त केला आहे.‎