पाणीपुरवठा खंडित‎:देवळाली कॅम्पचा 14 ते 16‎ मार्चला पाणीपुरवठा खंडित‎

देवळाली कॅन्टोन्मेंट बोर्डाच्या पाणीपुरवठा विभागाच्या‎ वतीने फिल्टरेशन प्लांटच्या देखभाल दुरुस्ती तसेच‎ स्वच्छतेचे काम हाती घेण्यात आले आहे. त्यामूळे १४‎ मार्च ते १६ मार्च २०२३ दरम्यान आठही वॉर्डांत पाणी‎ पुरवठा होणार नाही, असे कॅन्टाेन्मेंट बोर्डाच्या‎ पाणीपुरवठा विभागाच्या वतीने सांगण्यात आले.‎

गेल्या अनेक वर्षांपासून देवळाली कॅम्पला‎ पाणीपुरवठा करणाऱ्या सर्व पिण्याच्या पाण्याचा टाक्या‎ व फिल्टरेशन प्लांट यांची सवच्छता झालेली नव्हती‎ आता कॅन्टाेन्मेंट बोर्डाचे पाणी पुरवठा विभाग अभियंता‎ स्वप्नील क्षत्रिय यांच्या नेतत्वाखालील युदधपातळीवर‎ पाणीपुरवठा विभाग कामास लागला आहे. त्यामुळे‎ विविध विभागातील पाण्याच्या टाक्यांच्या स्वच्छतेनंतर‎ आता मुख्य फिल्टरेशन प्लांट देखभाल दुरुस्ती तसेच‎ स्वच्छतेचे काम केले जाणार असल्याने तीन दिवस‎ पाणीपुरवठा बंद राहणार आहे. जनतेने वापरण्यासाठी‎ पुरेसा पिण्याचा पाण्याचा साठा करून ठेवावा, असे‎ क्षत्रिय यांनी केले आहे.‎‎