धक्कादायक:नाशिकच्या सिडकोसह अंबड परिसरात 4 युवकांची गळफास घेऊन आत्महत्या!

अंबड पोलीस स्टेशनच्या हद्दीत विविध ठिकाणी तब्बल चार जणांनी आत्महत्या केल्याचा प्रकार आज उघडकीस आला.

आत्महत्येचा पहिला प्रकार उपेंद्रनगर येथे घडला. रामदास मुरलीधर रोकडे (वय ५०, उपेंद्रनगर, सिडको) यांनी दुपारच्या सुमारास राहत्या घरातील हॉलमधील पंख्याला दोरी बांधून गळफास घेतला. ही बाब लक्षात आल्यानंतर समाधान काशीनाथ रोकडे यांनी अंबड पोलीस ठाण्यास कळविले.

दुसरा प्रकार कर्मयोगीनगर येथे घडला. सागर रतन कुमार ढेपे (वय २९, रा. कर्मयोगी नगर) याने दुपारच्या सुमारास राहत्या घराच्या बेडरूममध्ये फॅनच्या सिलिंग कडीला ओढणीच्या सहाय्याने गळफास घेतला. ही बाब लक्षात आल्यानंतर सुयोग रतनकुमार ढेपे यांनी ही माहिती अंबड पोलीस ठाण्यास कळविली.

तिसरा प्रकार उंटवाडीजवळ घडला. रवींद्र मन्साराम पाटील (वय ४८, रा. उंटवाडी, नाशिक ) यांनी राहत्या घरातील बेडरूममध्ये पंखा व भिंतीच्या हुकाला बांधलेल्या लहान बाळाच्या झोक्याच्या दोरीच्या सहाय्याने गळफास घेतला. ही बाब लक्षात आल्यानंतर नातेवाईकांनी पोलिसांना कळविले.

या प्रकरणी कुणाल रवींद्र पाटील (वय २१) याने माहिती दिली. चौथा प्रकार कामटवाडा येथे घडला. महेश मधुकर आडीवडेकर (वय ३३, रा. विठ्ठलनगर, कामटवाडा) याने राहत्या घराच्या बेडरूममधील छताच्या हुकाला साडी बांधून तिच्या सहाय्याने गळफास घेऊन आत्महत्या केली.ही बाब त्याचा मावसभाऊ आकाश संजय घाडगे (वय २९, रा. उत्तमनगर, सिडको) याच्या लक्षात आल्यानंतर त्याने अंबड पोलीस ठाण्यास ही माहिती कळविली. या प्रकरणी आकस्मिक मृत्यूची नोंद करण्यात आली आहे.