आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

मोठी बातमी:महाराष्ट्रात दिवसभरात 8 नव्या ओमायक्रॉन बाधितांची नोंद; यामध्ये मुंबईतील 7 रुग्ण, कुणाचीही ट्रॅव्हल हिस्ट्री नाही

एका महिन्यापूर्वी
  • कॉपी लिंक

कोरोनाचा नवा व्हेरिएंट ओमायक्रॉन भारतातही वेगाने पसरत असल्याचे दिसते. मंगळवारी सकाळी दिल्लीत 4 नवीन रुग्ण आढळल्यानंतर संध्याकाळी महाराष्ट्रातही 8 नवीन रुग्ण आढळले आहेत. आज 8 बाधित रुग्णांपैकी 7 मुंबईतील आणि एक वसई-विरारचा आहे. विशेष म्हणजे यापैकी कोणीही परदेशात गेलेले नाही. आता देशभरात नवीन प्रकाराची प्रकरणे 61 वर पोहोचली आहेत.

8 पैकी 7 जणांनी लस घेतली होती
आज संसर्ग झालेल्या 8 रुग्णांपैकी एक राजस्थानचा रहिवासी आहे. याशिवाय एकाने बंगळुरू आणि एकाने दिल्लीला प्रवास केला होता. आज संसर्ग झालेल्या 8 रूग्णांपैकी 2 रूग्णालयात आहेत आणि सहा होम आयसोलेशनमध्ये आहेत. त्यांच्या संपर्कात आलेल्या लोकांना ट्रॅक केले जात आहे. संक्रमित 8 पैकी 7 जणांनी ही लस घेतली होती.

8 रुग्णांपैकी 3 महिला आणि 5 पुरुष
डिसेंबरच्या पहिल्या आठवड्यात सर्व नमुने घेण्यात आले. आज संसर्ग झालेल्या 8 रुग्णांपैकी 3 महिला आणि 5 पुरुष आहेत. त्यांचे वय 24 ते 41 वर्षांच्या दरम्यान आहे. यापैकी तीन लक्षणे नसलेली आणि पाच लक्षणे सौम्य आहेत.

मुंबईत सर्वाधिक 10 प्रकरणे
नॅशनल इन्स्टिट्यूट ऑफ व्हायरोलॉजीच्या अहवालानुसार महाराष्ट्रात आतापर्यंत एकूण 28 जणांना ओमायक्रॉनची लागण झाली आहे. त्यापैकी मुंबईत 12, पिंपरी चिंचवड्यात 10, पुण्यात 2 आणि कल्याण-डोंबिवली, नागपूर, लातूर आणि वसई विरारमध्ये प्रत्येकी एक रुग्ण आढळून आला आहे.

महाराष्ट्रातील कोरोनाची स्थिती
मंगळवारी राज्यात 684 नवीन रुग्णांची पुष्टी झाली आणि संसर्गामुळे 24 जणांना आपला जीव गमवावा लागला. महाराष्ट्रात आतापर्यंत 66,45,136 लोकांना कोरोनाची लागण झाली असून यापैकी 64,93,688 लोक बरे झाले आहेत. 1,41,288 रुग्णांचा मृत्यू झाला आहे. सध्या राज्यात 6481 रुग्णांवर उपचार सुरू आहेत.

बातम्या आणखी आहेत...