वाद:मच्छिंद्रनाथ चिंचोलीत अंत्यसंस्कारावरून 2 गटांत‎ वाद; सरणाच्या लाकडाने पोलिसांना केली मारहाण‎

पिंपळगाव‎ एका जणांच्या मालकीच्या असल्या‎ जागेवर अंत्यसंस्कार केले जात‎ असल्यामुळे दोन गटांमध्ये वाद झाला.‎ या ठिकाणी आलेल्या पोलिसांवर‎ अंत्यसंस्कारासाठी रचण्यात आलेल्या‎ सरणातील लाकडांनी पोलिसांना मारहाण‎ केल्याची घटना घनसावंगी तालुक्यातील‎ मच्छिंद्रनाथ चिंचोली येथे बुधवारी‎ सायंकाळी ६ वाजेच्या सुमारास घडली.‎ याप्रकरणी पोलिस नाईक रामदास केंद्रे‎ यांनी दिलेल्या फिर्यादीवरून घनसावंगी‎ पोलिस ठाण्यात गुन्हा दाखल करण्यात‎ आला आहे. मच्छिंद्रनाथ चिंचोली येथे‎ स्मशानभूमीत प्रेतावर अंत्यविधी‎‎‎‎‎‎‎‎‎‎‎‎ करण्याच्या कारणावरून वाद होवून‎ कायदा व सुव्यवस्थेचा प्रश्न निर्माण‎ झाला आहे, अशी माहिती‎ मिळाल्यावरून राऊत, मरळ, राठोड,‎ पवार, गायकवाड, वैद्य यांचे पथक गेले‎‎‎‎‎‎‎‎‎‎‎‎ होते.

मच्छींद्रनाथ चिचोली येथील‎ घनसावंगी ते कुंभार पिंपळगाव रोडलगत‎ बसस्टँड जवळील मोकळ्या जागेत‎ तसेच रोडवर अंदाजे २०० लोकांचा‎ जमाव हाेता व मोकळ्या जागेत एक‎ महिला व एक माणूस बसलेला हाेता. त्या‎ लाकडाच्या जवळच एक महिलेचे प्रेत‎ जमिनीवर ठेवलेले पोलिसांना दिसले.‎ त्यावेळी पोलिस पथकाने लाकडावर‎ असलेल्या व्यक्तीबाबत व इतर‎ जमलेल्या लोकांकडे विचारपूस केली‎ असता सरणावर बसलेला व्यक्ती दिसून‎ आला. अंत्यविधीसाठी एका महिलेचा‎ मृतदेह आणला होता. यात दोन्ही गटांत‎ वाद होत असताना पोलिस त्यांची बाजू‎ घेत आहे, त्यांना मारा असे म्हणत तेथील‎ काही जणांनी सरणातील लाकडांनी‎ पोलिसांना मारहाण केली. यात एक‎ पोलिस जखमी झाला. या घटनेनंतर‎ गावात तणावाचे वातावरण निर्माण झाले‎ होते.‎