आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

क्रूज ड्रग्ज प्रकरण:शाहरुख खानचा मुलगा आर्यनसह सर्व 8 आरोपींना 14 दिवसांची न्यायालयीन कोठडी, जामिनावर ​​​​​​​उद्या होणार सुनावणी

मुंबई9 दिवसांपूर्वी
  • कॉपी लिंक

क्रूझ ड्रग्ज पार्टी प्रकरणात मुंबईच्या महानगर न्यायालयाने शाहरुख खानचा मुलगा आर्यनसह आठ आरोपींना 14 दिवसांच्या न्यायालयीन कोठडीत पाठवले आहे. यापूर्वी एनसीबीने 11 ऑक्टोबरपर्यंत सर्व आरोपींची कोठडी मागितली होती, परंतु न्यायालयाने कोठडी देण्यास नकार दिला. आता त्याच्या जामीन अर्जावर उद्या सुनावणी होणार आहे.

सतीश मानशिंदे यांनी न्यायालयाला सांगितले की आर्यनची 2 रात्री चौकशी केली नाही, मग एनसीबी आर्यनची कोठडी का मागतो आहे. मानशिंदे म्हणाले की, एनसीबी वारंवार सांगत आहे की, त्याला मुख्य आरोपीपर्यंत पोहोचण्याची इच्छा आहे, पण तोपर्यंत आर्यनाला ओलीस ठेवता येणार नाही.

हाय प्रोफाइल केस असल्याने कोर्टरूममध्ये मोठी गर्दी होती. यामुळे, बचाव पक्षाच्या वकिलांनी न्यायाधीशांना विनंती केली की जे या प्रकरणाशी संबंधित नाहीत त्यांना न्यायालयाच्या बाहेर पाठवावे. न्यायाधीशांनी प्रकरणातील लोकांना हात वर करण्यास सांगितले आणि बाकीच्यांना बाहेर जाण्याचे आदेश दिले.
अपडेट्स

  • आरोपींच्या वकिलांना वाचण्यासाठी रिमांडची प्रत देण्यात आली आहे.
  • 11 ऑक्टोबरपर्यंत आरोपींच्या कोठडीत वाढ करण्याची मागणी एनसीबीने केली आहे.
  • एनसीबीचे झोनल डायरेक्टर समीर वानखेडे कोर्ट परिसरात पोहोचले.
  • मनशिंदेसोबत शाहरुखची मॅनेजर पूजाही आर्यनला भेटायला आली.
  • वकील मनशिंदे यांनी आर्यनाला भेटण्यासाठी 2 मिनिटे मागितली. न्यायाधीशांनी परवानगी दिली.
  • सूत्रांनी दिलेल्या माहितीनुसार, शाहरुख ट्रायडेंट हॉटेलमध्ये आहे आणि तो आपल्या मुलाबाबात क्षणाक्षणाची माहिती घेतो आहे.
  • कोर्टात फक्त 3 फॅन आहेत. वकील आणि सुनावणीसाठी येणारे लोक गर्मीमुळे त्रासले आहेत.
  • सुनावणी ऐकण्यासाठी तो सुमारे 30 मिनिटांपासून कोर्टरूममध्ये उभा आहे.
  • मुनमुन धामिचाच्या भावाला न्यायालयात बसायला जागा मिळाली नाही.
  • अरबाज मर्चंटची आईसुद्धा न्यायालयात पोहोचली आहे.
  • एनसीबीची टीम आर्यनसोबत कोर्टासाठी रवाना झाली आहे.
  • इतर अनेक प्रकरणांचे वकील आणि कनिष्ठ वकील सुनावणी पाहण्यासाठी आले आहेत.
  • कोर्टाच्या खोलीत उभे राहण्यासाठी एकही जागा शिल्लक नाही.
  • शाहरुखची मॅनेजर पूजा देखील कोर्ट रूम उघडण्याच्या 30-40 मिनिटांपूर्वी कोर्टात पोहोचली आहे.
  • आर्यन प्रकरणाची सुनावणी अतिरिक्त महानगर दंडाधिकारी आर एम निर्लेकर यांच्यासमोर होणार आहे.

आजची सुनावणी महत्त्वाची
ड्रग्ज प्रकरणात आजचा दिवस खूप महत्वाचा आहे. अभिनेता शाहरुख खानचा मुलगा आर्यन खानची एनसीबी कोठडी आज संपत आहे. आर्यन व्यतिरिक्त रविवारी अटक करण्यात आलेल्या इतर 7 आरोपींची कोठडीही आज संपत आहे. असे मानले जाते की एनसीबी त्यांची पुढील कोठडी मागू शकते.

दरम्यान, या प्रकरणी रात्री उशिरा नार्कोटिक्स कंट्रोल ब्युरोने एक मोठी कारवाई करत एका परदेशी नागरिकाला अटक केली आहे. क्रूझमधून अटक केलेल्यांना ड्रग्जचा पुरवठा केल्याचा आरोप आहे. आज आर्यनचे वकील न्यायालयात आपला जामीन अर्जही दाखल करू शकतात.

बातम्या आणखी आहेत...