आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

RSS ची तालिबानशी तुलना केल्याने जावेद अख्तर अडचणीत:मुंबईतील घरासमोर भाजपचे प्रदर्शने, भाजप आमदार म्हणाले- चित्रपट प्रदर्शित होऊ देणार नाही

18 दिवसांपूर्वी
  • कॉपी लिंक

जावेद अख्तर यांना अफगाणिस्तानमध्ये सत्तेवर असलेल्या कुख्यात संघटना तालिबानची राष्ट्रीय स्वयंसेवक संघ आणि विश्व हिंदू परिषद यांच्याशी तुलना करणे कठीण जात आहे. मुंबईतील त्यांच्या घरासमोर भाजपचे कार्यकर्ते सातत्याने आंदोलन करत आहेत. काही भाजप कार्यकर्त्यांनी त्यांचा पुतळाही जाळला. यामध्ये त्यांची पोलिसांशीही बाचाबाची झाली आहे.

भाजपचे आमदार राम कदम यांनी म्हटले आहे की, जोपर्यंत ते हात जोडून माफी मागत नाही, तोपर्यंत जावेद अख्तर यांचा कोणताही चित्रपट भारतात प्रदर्शित होऊ देणार नाही. कदम म्हणाले, अख्तर यांचे वक्तव्य केवळ लज्जास्पदच नाही तर संघ आणि विश्व हिंदू परिषदेचे करोडो समर्थक आणि त्या विचारसरणीचे पालन करणारे कोट्यवधी लोकांसाठी वेदनादायक आणि अपमानास्पद आहे. तालिबानला जसे इस्लामिक राज्य हवे आहे तसे काही लोकांना हिंदू राष्ट्र हवे आहे असे त्यांनी अलीकडेच म्हटले होते.

जावेद अख्तर यांचे मुलाखतीदरम्यान वक्तव्य-
जावेद अख्तर यांनी एका मुलाखतीदरम्यान म्हटले होते की, आरएसएसचे समर्थन करणाऱ्या लोकांची मानसिकता देखील तालिबानसारखीच आहे. आरएसएसला पाठिंबा देणाऱ्यांनी स्वतः चौकशी केली पाहिजे. ते पुढे म्हणाले की, तुम्ही ज्या संघटनेला पाठिंबा देत आहात त्यामध्ये आणि तालिबानमध्ये फरक नाही.

अख्तर यांच्याकडून कंगना राणावतविरोधात बदनामीचा खटला
जावेद अख्तर यांनी कंगना राणावतविरोधात बदनामीचा खटला दाखल केला आहे. या प्रकरणात, मुंबईच्या न्यायालयाने मार्च 2020 मध्ये कंगनाविरोधात जामीनपात्र वॉरंट जारी केले होते, परंतु अभिनेत्रीने जामीन घेतला. कंगनाने आरोप केला होता की, जावेद अख्ततर निराधार आरोप करून तिच्या नावाची बदनामी करण्याचा प्रयत्न करत होता. खरं तर, अभिनेत्रीला समन्स पाठवण्यात आले असूनही कोर्टाने कोर्टात हजर न होण्याबाबत वॉरंट जारी केले होते.

बातम्या आणखी आहेत...