आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

बनावट लसीकरण प्रकरण:2 हजारांपेक्षा जास्त लोकांना बनावट लस देणाऱ्या टोळीच्या प्रमुखाला बारामतीतून अटक, होऊ शकतात अनेक मोठे खुलासे

बारामतीएका महिन्यापूर्वी
  • कॉपी लिंक
  • रुग्णालयाच्या अधिकृत आयडीचीचा करत होता वापर

शुक्रवारी पोलिसांनी अखेर मुंबईतील 2 हजाराहून अधिक लोकांना बनावट लस देणाऱ्या टोळीच्या प्रमुखाला अटक केली आहे. बारामती येथील रहिवासी राकेश पांडे असे आरोपीचे नाव आहे. राजेश पांडे प्रथम सोसायट्यांमध्ये जाऊन त्यांचा विश्वास जिंकायचाआणि मग पैसे घेऊन बनावट लसीकरण केंद्र आयोजित करायचा. बनावट लसीकरण शिबिरांसाठी मुंबई आणि ठाण्यात आतापर्यंत 10 हून अधिक एफआयआर नोंदवण्यात आले आहेत. या प्रकरणात आतापर्यंत 12 जणांना अटक करण्यात आली आहे.

या प्रकरणाचा तपास करणार्‍या मुंबई पोलिसांचे म्हणणे आहे की या फसवणूकीत काही रुग्णालयांचा सहभाग असल्याचा पुरावाही सापडला आहे. पांडे हा अंधेरी, मुंबई येथील कोकिलाबेन धीरूभाई अंबानी रुग्णालयाचा माजी कर्मचारी होता. पांडे विक्री विभागात नोकरी करायचा. यामुळे या प्रकारच्या कार्याचा त्याला दीर्घ अनुभव आहे.

रुग्णालयाच्या अधिकृत आयडीचीचा करत होता वापर
कोणालाही संशय येऊ नये म्हणून त्याने बनावट लसीकरण शिबिरासाठी रुग्णालयाची अधिकृत ईमेल आयडी वापरली. हिरानंदानी प्रकरण समोर आल्यानंतर पांडे फरार झाला होता. त्याच्याबद्दल माहिती मिळताच रुग्णालयानेही त्याला सेवेतून काढून टाकले होते.

राकेशचे फोटो कॅमेर्‍यामध्ये कैद झाले
तपासादरम्यान पोलिसांना राकेश पांडेबद्दल माहिती मिळाली. अनेक सोसायट्यांमध्ये भरलेल्या लसीकरण शिबिरावेळी त्याचे फोटो सीसीटीव्ही कॅमेरामध्ये कैद झाली होती. पोलिसांनी त्याच्याविरूद्ध फसवणुकीसह अनेक कलमांखाली गुन्हा दाखल केला आहे. आता त्याला मुंबईला आणण्यात येईल आणि नंतर पोलिस कोठडीत न्यायालयात हजर केले जाईल.

होऊ शकतात मोठे खुलासे
पोलिस अधिकाऱ्यांचे म्हणणे आहे की राजेश पांडेचा जबाब अत्यंत महत्त्वाचा आहे आणि तो बनावट लसीकरणाबद्दल बरेच काही सांगू शकतो. या प्रकरणातील स्पेशल एसआयटी आता बनावट लसीकरण मोहीम राबविण्यासाठी वापरल्या जाणार्‍या रिकाम्या बाटल्यांचा शोध घेत आहे.

असा झाला होता बनावट लसीकरणाचा खुलासा
30 मे रोजी मुंबईतील हिरानंदानी हौसिंग सोसायटीच्या आवारात 390 लोकांना कोव्हशिलची लस देण्यात आली. प्रत्येक डोससाठी 1,260 रुपये आकारले गेले. सोसायटीने एकूण 4 लाख 91 हजार 400 रुपये भरले. राजेश पांडे यांनी स्वत: लाला कोकिलाबेन अंबानी रुग्णालयाचे प्रतिनिधी असल्याचे सांगत सोसायटी समितीच्या सदस्यांशी संपर्क साधला होता. संजय गुप्ता यांनी ही मोहीम राबवली, तर महेंद्रसिंग नावाच्या व्यक्तीने सोसायटीच्या सदस्यांकडून पैसे घेतले होते.

कोणताही फोटो आला नाही किंवा फोटो घेण्याची परवानगीही नव्हती
ही लस घेतल्यानंतर सोसायटीतील लोकांच्या मोबाईलवर कोणत्याही प्रकारचा मेसेज आला नाही. याशिवाय लसीच्या वेळी कोणालाही सेल्फी किंवा फोटो घेण्यास परवानगी नव्हती. कोणालाही प्रमाणपत्र दिले नाही किंवा प्राप्त झाले नाही. 10-15 दिवसानंतर प्रमाणपत्र आले तर ते नानावटी, लाइफ लाइन, नेस्को बीएमसी लसीकरण केंद्र अशा वेगवेगळ्या रुग्णालयांकडून आले. यासंदर्भात संबंधित रुग्णालयांशी संपर्क साधला असता त्यांनी सोसायटीला लस उपलब्ध केली नसल्याचे म्हटले. यानंतर सोसायटीच्या सदस्यांनी शंका उपस्थित करून याप्रकरणी गुन्हा दाखल केला होता.

बातम्या आणखी आहेत...