आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

अँटिलिया स्फोटकं प्रकरण:सचिन वाझे शस्त्रक्रियेसाठी भिवंडीतील खासगी रुग्णालयात दाखल; सुरक्षा व्यवस्था वाढवल्याने रुग्णालयाला छावणीचे स्वरूप

23 दिवसांपूर्वी
  • कॉपी लिंक

अँटिलिया स्फोटके आणि मनसुख हिरेन हत्याकांड प्रकणातील मुख्य आरोपी बडतर्फ पोलीस अधिकारी सचिन वाझे लवकच शस्रक्रिया पार पडणार आहे. त्याला खासगी रुग्णालयात शस्त्रक्रियेसाठी विशेष न्यायालयाच्या परवानगी नंतर सचिन वाजे याला भिवंडीच्या एका खासगी रुग्णालयात दाखल करण्यात आले आहे. त्याच्या शस्त्रक्रियेच्या तारखेबाबत डॉक्टरांना आज अंतिम निर्णय घ्यायचा आहे.

एनआयएच्या देखरेखीखाली पोलिस मंगळवारी दुपारी वाझे यांच्यासह रुग्णालयात पोहोचले, त्यानंतर डॉक्टरांनी त्यांची तपासणी केल्यानंतर त्यांना रुग्णालयात दाखल केले. हॉस्पिटलच्या सूत्रांनी दिलेल्या माहितीनुसार, वाझे यांना हृदयाच्या नलिकेत 3 ब्लॉकेज आहेत. मात्र, वाझे यांच्यावर खासगी रुग्णालयात शस्त्रक्रिया करण्याबाबत आता प्रश्न उपस्थित केले जात आहेत. असे म्हटले जात आहे की ठाणे आणि मुंबईमध्ये अनेक मोठी सरकारी रुग्णालये आहेत, तेव्हा अशा वेळी वाझे एका खासगी रुग्णालयात का उपचार घेत आहेत.

रुग्णालयाची सुरक्षा व्यवस्था वाढवली

वाझे यांच्या शस्त्रक्रियेपूर्वी पोलिसांनी रुग्णालयाच्या परिसराचे छावणीत रूपांतर केले आहे. एसएस रुग्णालयाच्या परिसराची सुरक्षा नारपोली पोलीस, गुन्हे शाखा, ठाणे, नवी-मुंबई आणि मुंबईच्या पोलीस अधिकाऱ्यांवर सोपवण्यात आली आहे. कोणालाही वैध कारणाशिवाय रुग्णालयात जाण्याची परवानगी दिली जात नाही.

कुटुंबीयांच्या संमतीनंतर केले जात आहे ऑपरेशन
27 ऑगस्ट रोजी एसएस हॉस्पिटलचे सहाय्यक आरएमओ फुरकान यांनी सचिन वाजे यांच्या कुटुंबीयांची भेट घेऊन उपचाराची फाईल दाखवली. त्यानंतर, संबंधित डॉक्टरांशी बोलल्यानंतर फुरकान यांनी वाझे यांच्या रुग्णालयात उपचारासाठी दाखल करण्याचे आदेश दिले. त्यानंतर मंगळवारी दुपारी 2 वाजता त्यांना रुग्णालयात आणण्यात आले.

डॉ.विनीत रणवीर हे वाझेचे ऑपरेशन करणार आहेत. डॉ.विनीत यांनी सांगितले की जेव्हा त्यांना रुग्णालयात दाखल करण्यात आले, तेव्हा त्यांच्या रक्तातील साखरेचे प्रमाण जास्त होते. त्याच्या मेंदूचा एमआरआय देखील रुग्णालयात करण्यात आला आहे. डॉक्टरांनी सांगितले की ऑपरेशननुसार त्याचा रिपोर्ट नॉर्मल आहे.

बातम्या आणखी आहेत...