आपल्या शहरातील ताज्या बातम्या आणि ई-पेपर मिळवा मोफत

Install App

आषाढी:संत तुकाराम महाराज आणि संत ज्ञानेश्वर महाराजांच्या पादुका बसने पंढरपूरकडे रवाना

पुणे3 महिन्यांपूर्वी
  • कॉपी लिंक
  • पुण्याचे कलेक्टर नवल किशोर राम यांनी आळंदीवरुन बस रवाना होण्यापूर्वी तुकाराम महाराजांची पुजा केली

संत तुकाराम महाराज आणि संत ज्ञानेश्वर महाराजांच्या पादुका वेगवेगळ्या बसने पंढरपूरकडे रवाना झाल्या. या बसमध्ये फक्त 20-20 लोक आहेत. संत तुकाराम महाराजांच्या पादुका देहूवरुन तर ज्ञानेश्वरांच्या आळंदीवरुन पंढरपूरकडे निघाल्या.

यादरम्यान भक्त्यांनी दोन्ही बसला फुलांनी सजवले होते. बसमधील सर्व व्यक्तींनी तोंडाला मास्क लावलेहोते. पुण्यावरुन निघालेल्या या बस आता थेट पंढरपूरला थांबतील. याआधी पादुकांना हेलीकॉप्टरने पंढरपूरला नेण्याची तयारी होती. या दोन्ही संतांशिवाय संत सोपानदेव, चांगावटेश्वर देवस्थानच्या पादुकाही आज संध्याकाळपर्यंत पंढरपूरला पोहचतील. पुण्याचे कलेक्टर नवल किशोर राम यांनी आळंदीवरुन बस निघण्यापूर्वी तुकाराम महाराजांची पुजा केली.

पंढरपूरमध्ये संचारबंदी लावण्याचा प्रस्तावर दिला

सोलापूर पोलिसांनी जिल्हा प्रशासनाला कोरोनाच्या पार्श्वभूमिवर आषाढी एकादशीपूर्वी पंढरपूरमध्ये कर्फ्यू लावण्याचा प्रस्ताव दिला आहे. दरवर्षी लाखो भाविक आषाढीला पंढरपूरला विठ्ठलाचे दर्शन घेण्यासाठी येतात. सोलापूरचे अतिरिक्त पोलिस अधिक्षक अतुल जेंडेर यांनी सांगितले की, बाहेरील लोक आत येऊ नये, यासाठी आम्ही नाकाबंदी केली आहे. गर्दी होऊ नये यासाठी शहरात कर्फ्यू लावण्याचा विचारही करत आहोत. पंढरपुरमध्ये 30 जून-3 जुलैपर्यंत कर्फ्यू लावण्याचा प्रस्ताव सोलापूरच्या कलेक्टरला देण्यात आला आहे.