आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

उद्धव ठाकरेंना फटके द्यायला पाहिजे:त्यांची अवस्था पिसाळलेल्या कुत्र्यासारखी, नीलेश राणेंची जीभ घसरली

2 महिन्यांपूर्वी
  • कॉपी लिंक

उद्धव ठाकरेंची अवस्था पिसाळलेल्या कुत्र्यासारखी झाली आहे. पिसाळलेल्या कुत्र्याचे काय करायचे, हे मला वेगळे सांगायची गरज नाही. त्यांना फटके द्यायला पाहिजे, अशा शब्दांमध्ये केंद्रीय मंत्री नारायण राणेंचे पुत्र नीलेश राणेंनी यांनी टीका केली आहे.

शिंदे गटाचे आमदार संतोष बांगर यांच्या गाडीवर रविवारी अमरावतीत काही शिवसैनिकांनी हल्ला केला होता. बांगर आपली बहीण आणि पत्नीसह देवदर्शनाला आले होते. यावेळी दर्शन घेऊन बाहेर पडल्यानंतर त्यांच्या गाडीवर शिवसैनिकांनी हल्ला चढवला. यावरुन भाजप नेते निलेश राणेंनी उद्धव ठाकरेंवर शाब्दिक हल्ला केला आहे. सिंधुदुर्गमध्ये त्यांनी प्रसारमाध्यमांशी संवाद साधला.

त्यांच्याच भाषेत उत्तर देऊ

राणे म्हणाले, ते चांगल्या भाषेत ऐकणार नाही. त्यांना फटके द्यायला पाहिजे. उद्धव ठाकरे पिसाळले आहेत की, त्यांना काय करावे हेच सुचत नाहीये आणि पिसाळलेल्या कुत्र्याचे काय करायचे? हे मला वेगळे सांगायची गरज नाही. त्यांना त्यांच्याच भाषेत उत्तर द्यावे लागेल.

संयम तोडू नका

पुढे ते म्हणाले, मुख्यमंत्री एकनाथ शिंदे आपल्या पहिल्या भाषणापासून सांगत आहेत की, आमचा संयम तोडू नका. पण जर यांना संयम तोडायचा असेल तर कधी ना कधी दोन हात होणारच. यासाठी उद्धव ठाकरेंनी तयार राहावे, असा इशाराही नीलेश राणेंनी यावेळी दिला.

विरोधकांना इशारा

शिवसेनेतून बंडखोरी करत शिंदे गटामध्येमध्ये गेलेले आमदार संतोष बांगर हे रविवारी (दि. 25) येथील देवनाथ मठातून दर्शन करून निघाले असता, शिवसैनिकांनी त्यांची गाडी अडवण्याचा प्रयत्न करत त्यांच्या वाहनावर हल्ला करत नारेबाजी केली होती. यावर आमदार बांगर म्हणाले की, भ्याड हल्ले काय करता, मर्द असाल तर समोर या. मग बाळासाहेबांचा खरा शिवसैनिक काय असतो हे दाखवतो असा इशाराच त्यांनी विरोधकांना दिला होता.

बातम्या आणखी आहेत...