आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

हिंगोली:शिक्षिका पॉझिटिव्ह आल्याने शाळेतील सर्व विद्यार्थ्यांची कोरोना चाचणी सुरू, 300 विद्यार्थ्यांसह 40 शिक्षकांची चाचणी

14 दिवसांपूर्वी
  • कॉपी लिंक

हिंगोली जिल्ह्यातील एका खासगी शाळेतील एक शिक्षिका पॉझिटीव्ह आल्यानंतर शाळा प्रशासनाने गुरुवारी शाळेतील सर्व 300 विद्यार्थ्यांसह 40 शिक्षकांची आरटीपीसीआर चाचणी घेण्यास सुरुवात केली आहे.

हिंगोली शहरामध्ये मागील तीन दिवसांपासून कोरोना रुग्णांची संख्या हळूहळू वाढू लागली आहे. कधी दोन तर कधी तीन असे रुग्ण आढळून येत आहेत. तीन दिवसात एकूण अकरा रुग्ण पॉझिटिव्ह असून त्यांच्यावर उपचार केले जात आहेत.

दरम्यान, शहरातील खासगी शाळेतील एक शिक्षिका कोविड पॉझिटिव्ह आढळून आल्या आहे. त्यांचा अहवाल प्राप्त झाल्यानंतर शाळा प्रशासनाने तातडीने उपाययोजना म्हणून इयत्ता पहिली ते सहावी पर्यंतच्या 300 विद्यार्थ्यांची तसेच 40 शिक्षकांची आरटीपिसीआर चाचणी घेण्यासाठी आरोग्य विभागाला कळवले आहे. त्यानुसार जिल्हा शल्यचिकित्सक डॉ. राजेंद्र सुर्यवंशी, तालुका आरोग्य अधिकारी डॉ. नामदेव कोरडे यांच्या मार्गदर्शनाखाली शासकीय रुग्णालयाचे पथक शाळेमध्ये पोहोचले आहे. या ठिकाणी सर्व विद्यार्थी व शिक्षकांचे स्वॅब नमूने तपासणीसाठी घेतली जाणार आहे.

यासंदर्भात शाळा प्रशासनाशी दूरध्वनीवरून संपर्क साधला असता त्यांनी एक शिक्षिका कोविड पॉझिटिव्ह आल्याचे सांगितले. त्यामुळे प्रतिबंधात्मक उपाय योजना म्हणून सर्व विद्यार्थी व शिक्षकांची कोविड चाचणी केली जात आहे. शाळा सुरू ठेवण्याबाबत लवकरच निर्णय घेतला जाणार असल्याचेही त्यांनी स्पष्ट केले. विद्यार्थी व शिक्षकांनी घाबरून जाण्याचे कारण नाही. शाळेमध्ये सर्व प्रतिबंधात्मक उपाययोजना करण्यात आल्या असल्याचे त्यांनी सांगितले.

बातम्या आणखी आहेत...