आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

अपघात:कळमनुरी जवळ दुचाकी अपघातात दोन तरुण जागीच ठार, कळमनुरी पोलीस ठाण्यात गुन्हा दाखल

हिंगोली15 दिवसांपूर्वी
  • कॉपी लिंक

कळमनुरी येथील औद्योगिक वसाहतीच्या कॉर्नर जवळ दुचाकीला अज्ञात वाहनाने धडक दिल्याने झालेल्या अपघातात दुचाकीवरील दोन तरुण जागीच ठार झाल्याची घटना मंगळवारी ता. ४ मध्यरात्रीच्या सुमारास घडली आहे.

पोलिसांनी दिलेल्या माहितीनुसार कळमनुरी येथील शेख उमर शेख मोहम्मद ( १८ रा. नाईकवाडी मोहल्ला) व शेख मोहम्मद खाजा फैजान उमर फारूक ( २१ रा. आठवडी बाजार) हे दोघे त्यांच्या दुचाकी वाहनावर मंगळवारी ता. ४ रात्री बारा वाजण्याच्या सुमारास औद्योगिक वसाहती कडून कळमनुरी शहराकडे येत होते. यावेळी अज्ञात वाहनाने त्यांच्या दुचाकीला जोरदार धडक दिली. या अपघातात मध्ये दोन्ही तरुणांचा जागेवरच मृत्यू झाला.

या अपघाताची माहिती मिळताच जमादार भडके, रमेश कुंदर्गे, जाधव, प्रशांत शिंदे यांच्या पथकाने तातडीने घटनास्थळी धाव घेऊन दोघांनाही कळमनुरीच्या ग्रामीण रुग्णालयात दाखल केले. मात्र वैद्यकीय अधिकाऱ्यांनी त्यांचा मृत्यू झाल्याचे जाहीर केले. या अपघातानंतर अज्ञात वाहनचालकाने वाहनासह पळ काढल्याचे पोलीस सूत्रांनी सांगितले. याप्रकरणी कळमनुरी पोलीस ठाण्यात गुन्हा दाखल करण्याची प्रक्रिया सुरू असल्याचे पोलिसांनी सांगितले.

बातम्या आणखी आहेत...