पश्चिम बंगाल निवडणूक:शिवसेना पश्चिम बंगालमध्ये विधानसभा निवडणूक लढवणार; खासदार संजय राऊत यांची घोषणा

शिवसेना पश्चिम बंगालमध्ये विधानसभा निवडणूक लढवणार असल्याची मोठी घोषणा शिवसेना खासदार संजय राऊत यांनी केली आहे. संजय राऊत यांनी सोशल मीडियाद्वारे ही माहिती दिली. शिवसेना पक्षप्रमुख आणि मुख्यमंत्री उद्धव ठाकरे यांच्याशी झालेल्या चर्चेनंतर पक्षाने हा निर्णय घेतला असल्याचे ते म्हणाले. या पार्श्वभूमिवर संजय राऊत लवकरच पश्चिम बंगालचा दौरासुद्धा करणार आहेत.

शिवसेनेनं निवडणुकीच्या रिंगणात उतरण्याचा विचार केल्यानं त्याचा भाजपला फटका बसू शकतो. पश्चिम बंगालमध्ये भाजप विरुद्ध तृणमूल काँग्रेस असा थेट सामना आहे. परंतू, आता शिवसेनेने निवडणुकीत एंट्री घेतल्यामुळे सामना रंगण्याची शक्यता आहे. शिवसेनेने पश्चिम बंगालमध्ये 100 जागांवर निवडणूक लढवण्याचे संकेत दिले आहेत.