आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शिवसेनेत उभी फूट पाडणारे सूत्रधार:कोण आहेत एकनाथ शिंदे? शिवसेनेत कसे वाढले एवढे वजन? वाचा सविस्तर

मुंबई7 दिवसांपूर्वी
  • कॉपी लिंक

राज्यातील महाविकास आघाडी सरकार पडणार असल्याची चर्चा सुरू आहे. सत्ताधारी शिवसेना आमदारांनी बंड पुकारल्याने मुख्यमंत्री उद्धव ठाकरे पायउतार होणार का? याकडे आता सर्वांचे लक्ष लागले आहे. मात्र, सत्तेत मुख्यमंत्रीपद असलेल्या शिवसेनेत फूट पडल्याने या मागचा सूत्रधार कोण? असा प्रश्न उपस्थित होतोय. शिवसेनेत फूट पाडणारे सूत्रधार हे एकनाथ शिंदे असल्याची चर्चा आहे. मात्र एकनाथ शिंदे आहेत तरी कोण? शिवसेनेत त्यांचे वजन एवढे कसे वाढले? या सर्व प्रश्नांची उत्तरे जाणून घेऊयात.

कोण आहेत एकनाथ शिंदे?

  • शिवसेनाप्रमुख बाळासाहेब ठाकरे आणि धर्मवीर आनंद दिघे यांच्या प्रभावामुळे 1980 मध्ये एकनाथ शिंदे यांनी शिवसेनेत प्रवेश केला.
  • एक साधा शाखाप्रमुख या पदापासून त्यांच्या राजकीय कारकिर्दीला सुरुवात झाली.
  • 2004 मध्ये एकत्रित ठाणे विधानसभा मतदारसंघातून ते विधानसभेत होते निवडून आले होते.
  • 2009, 2014 आणि 2021 मध्ये ठाण्यातील कोपरी-पांचपाखाडी विधानसभा मतदारसंघातून ते सलग तीन वेळा विधानसभेत पोहचले.
  • म्हणजेच एकनाथ शिंदे चार वेळा विधानसभा निवडणुकीत विजय मिळवत विधानसभेमध्ये पोहोचले आहेत.
  • 2019 च्या सुरुवातीला त्यांनी आरोग्य खात्याची जबाबदारी देखील सांभाळली होती.
  • एकनाथ संभाजी शिंदे सध्या शिवसेनेचे नेते असून महाराष्ट्राच्या मंत्रिमंडळात नगर विकास आणि सार्वजनिक बांधकाम (सार्वजनिक उपक्रम) या खात्याचे कॅबिनेट मंत्री आहेत.

जनतेचे नेते बनले एकनाथ शिंदे

एकनाथ शिंदे यांनी शिवसेनेचा झेंडा हाथी घेतला तो आनंद दिघे यांच्यामुळेच. दिघेंनी 1984 मध्ये मध्ये शिंदे यांची किसन नगरच्या शाखाप्रमुख म्हणून नियुक्ती केली. त्या नंतर दिघे यांच्या नेतृत्वाखाली अनेक आंदोलनांमध्ये एकनाथ शिंदे यांनी भाग घेतला. गरजवंतांना स्वस्तात धान्य उपलब्ध करुन देण्यासाठी केलेले आंदोलन, टंचाईच्या काळात नागरिकांना पामतेल उपलब्ध करुन देणे, नागरीकांच्या समस्यांसाठी प्रशासनाच्या विरोधात अनेक आंदोलने केल्याने शिंदे जनतेचे नेते बनले.

28 नोव्हेंबर 2019 रोजी मुख्यमंत्री उद्धव ठाकरे यांच्या नेतृत्त्वात शिवाजी पार्कवर आयोजित समारंभात एकनाथ शिंदे यांनी कॅबिनेट मंत्री म्हणून शपथ घेतली होती.
28 नोव्हेंबर 2019 रोजी मुख्यमंत्री उद्धव ठाकरे यांच्या नेतृत्त्वात शिवाजी पार्कवर आयोजित समारंभात एकनाथ शिंदे यांनी कॅबिनेट मंत्री म्हणून शपथ घेतली होती.

सीमाप्रश्नावरुन भोगला तुरुंगवास

अनेक आक्रमक आंदोलनामुळे शिंदे यांच्या नावाचा दबदबा निर्माण झाला होता. एवढेच नाही तर 1986 मध्ये सीमाप्रश्नावरुन झालेल्या आंदोलनात शिंदे यांनी आक्रमक पणे भाग घेतला होता. या आंदोलनामुळे शिंदे यांच्यासह शिवसेनेच्या 100 कार्यकर्त्यांच्या विरोधात गुन्हा दाखल करण्यात आला होता. त्यावेळी शिंदे यांनी बेल्लारी तुरुंगात 40 दिवसांचा कारावास भोगला होता.

एकनाथ शिंदेंचा राजकारणातील चढता क्रम

  • 1997 मध्ये ठाणे महानगर पालिकेत नगसेवक म्हणून निवड
  • 2001 मध्ये ठाणे मनपात सभागृह नेते पदी निवड
  • 2001 ते 2004 सलग तीन वर्ष ठाणे मनपात सभागृह नेतेपदी
  • 2004 मध्ये ठाणे विधानसभा मतदारसंघातून आमदार झाले
  • 2005 मध्ये ठाण्याचे जिल्हाप्रमुख म्हणून नियुक्ती
  • 2009, 2014, 2019 मध्ये सलग विधानसभेमध्ये निवडून गेले
  • 2014 मध्ये फडणवीस सरकारच्या सुरुवातीच्या महिनाभराच्या कार्यकाळात विरोधी पक्ष नेतेपद
  • 2014 मध्ये सरकारमध्ये सामील झाल्यानंतर सार्वजनिक बांधकाम (सार्वजनिक उपक्रम) मंत्री
  • 2019 मध्ये महाविकास आघाडी सरकारमध्ये पुन्हा कॅबिनेट मंत्री
बातम्या आणखी आहेत...