लहान मुलांचे अपहरण करून हैदराबादेत‎ दीड लाख रुपयांत निपुत्रिकांना विक्री‎​​​​​​​:आंतरराज्य टोळीतील 10 आरोपींना बेड्या

परभणी पोलिसांनी मुलांचे अपहरण ‎करणाऱ्या आंतरराज्य टोळीला जेरबंद‎ केले आहे. लहान मुलांना फूस लावत ‎ कारमध्ये बसवायचे आणि हैदराबाद येथे ‎ ‎ निपुत्रिक असणाऱ्या जोडप्यांना या‎ मुलांची अवघ्या दीड लाखात विक्री केली जात होती. परभणी पोलिसांनी अपहरण केलेल्या दोन मुलांचा शोध लावत या ‎ ‎ टोळीतील १० जणांना ताब्यात घेतले आहे.

राज्यभरात रॅकेट

मुलांचे अपहरण करणारे हे रॅकेट‎ राज्यात पसरले असण्याची शक्यता व्यक्त‎ केली जात आहे.‎ कोतवाली पोलिस ठाण्याअंतर्गत दोन ‎अल्पवयीन मुलांचे अपहरण झाल्याचा‎ घटना घडल्या होत्या. जिल्हा पोलिस अधीक्षक आर. रागसुधा यांच्या‎ मार्गदर्शनाखाली अनैतिक मानवी तस्करी‎ विभागाचे अधिकारी व अंमलदार पोलिस‎ उपनिरीक्षक आर. जी. भावसार, पोलिस‎ अंमलदार शेख शकील अहमद, किरडे,‎ शिरसकर, शेळके यांनी गुन्ह्याचा‎ कसोशीने शोध घेतला. दोन्ही बालकांचे‎ अपहरण हे परभणीतील अजमेरी‎‎ काॅलनीतील रहिवासी सुलताना ऊर्फ‎ परवीनबी शेख सादेक अन्सारी या‎ महिलेने केल्याचे निष्पन्न झाले. या‎ महिलेला परभणीतील सुभेदारनगर येथील‎ तिची बहीण नूरजहाँ बेगम महंमद इब्राहिम‎ शाकेर व तिचे विधिसंघर्षग्रस्त बालक‎ मदत करत होते. पोलिसांनी शिताफीने‎ त्यांना ताब्यात घेऊन चाैकशी केली तेव्हा‎ ‎हा प्रकार समोर आला.

एका बालकामागे दीड लाख रुपये

हैदाबाद येथील‎ गीता व तिचा पती समीर ऊर्फ मुन्ना यांच्या‎ सांगण्यावरून मुलांचे अपहरण केले‎ जात होते व एका बालकामागे एक ते दीड‎ लाख रुपये दिले जात असल्याचे आरोपी‎ महिलांनी चाैकशीत कबूल केले.‎ पोलिसांनी अपहरण केलेल्या दोन्ही‎ मुलांचा शोध लावला असून त्यांना‎‎ त्यांच्या पालकांच्या ताब्यात देण्यात आले.‎ एका प्रकरणात सुलतानाची बहीण नूरजहाँ‎ व तिच्या विधिसंघर्षग्रस्त बालकाने पैशांचे‎ आमिष दाखवून राहत कॉलनी खानसाब‎ यांचा मळा एकमिनार मशीद, दर्गा रोड,‎ परभणी येथील एका अल्पवयीन‎ मुलाचे अपहरण केल्याचे पोलिसांना‎ सांगितले.‎

असे आहेत आरोपी‎

अपहरण प्रकरणाच्या या गुन्ह्यात १० आरोपींना ताब्यात घेतले. १‎ विधिसंघर्षग्रस्त बालक व एका महिलेस‎ नोटीस देऊन सोडले. या प्रकरणात नूरजहाँ‎ बेगम महंमद इब्राहिम शाकेर, परवीनबी‎ सादेक अन्सारी, शेख समीर शेख सरवर,‎ पडेला श्रावणी, एम. रणजित प्रसाद, संगीता‎ पांचोली, नामिला सूर्या मांगया, शेख चाँद‎ पाशा शेख सैलानी, राजेंद्र नरेश रासकटला,‎ सय्यद मजहर अली सय्यद मोहंमद अली,‎ इरगा दिंडला शिल्पा यांना ताब्यात घेतले.‎
‎
बनावट आधार कार्ड बनवून एजंटांमार्फत बालकांची विक्री

परभणीतील आठ दिवसांच्या‎ मुलीलाही विकले‎ पोलिसांनी छडा लावलेल्या प्रकरणात‎ दोन्ही अपहृत बालकांचे बनावट आधार‎ कार्ड व बाँड तयार केले होते. हैदराबाद‎ येथील विविध एजंटांमार्फत निपुत्रिकांना‎ या बालकांची विक्री व्हायची. शेख समीर‎ शेख सरवर (भुन्या, रा. परभणी) याने‎ परभणी येथील हडको येथील महिलाच्या‎ आठ दिवसांच्या मुलीला पळवून नेत‎ हैदराबाद येथे संगीता ऊर्फ गीता आनंद‎ पांचोलीकडे विकले होते.‎