अतिवृष्टीमुळे गैरसोय:झरीत अरुंद पर्यायी पुलामुळे सखल भागात शिरले पाणी

झरी व परिसरात वादळी वाऱ्यासह पाऊण तास अतिवृष्टी झाली. या पावसामध्ये विशेष करून आनंदनगर भागातील घरे पाण्याखाली गेल्यामुळे नागरिकांची प्रचंड गैरसोय झाली. जिंतूर-परभणी रोडचे पुलाचे बांधकाम सुरू असल्याने पर्यायी पूल म्हणून अतिशय छोटा पूल या ठिकाणी उभारला आहे. या पुलामधून पाण्याचा विसर्ग न होता पाणी तुंबत आहे. परिणामी आनंदनगरच्या सखल भागात पाणी घुसून नागरिकांची गैरसोय होत आहे.