बँकिंग व्यवहार:महाराष्ट्र बँकेने ग्राहकांसाठी बँकिंग व्यवहार सोपे केले

आपल्या ग्राहक व कर्मचाऱ्यांचे बँकिंग व्यवहार अधिक सुलभ व सोयीस्कर करण्यासाठी सार्वजनिक बँकिंग क्षेत्रातील एक अग्रगण्य बँक असलेल्या बँक ऑफ महाराष्ट्रने पुन्हा एकदा नवीन उपक्रम व सुविधा सुरू केल्या आहेत. या उपक्रमांमुळे ग्राहकांना अधिक मूल्यवर्धित, कार्यक्षम व बँकिंग व्यवहार आनंददायक होणाऱ्या अनेक सुविधा आज सुरु आहेत. अनेक डिजिटल उपाययोजनांच्या द्वारे आम्ही या प्रवासात अनेक लक्षणीय बदल केले असल्याचे बँक ऑफ महाराष्ट्रचे व्यवस्थापकीय संचालक व मुख्य कार्यकारी अधिकारी ए एस राजीव यांनी सांगितले. सर्वांगीण दृष्टीकोनातून बँकिंग सुलभ व सुगम्य करण्याचे बँकेचे प्राथमिक उद्दिष्ट असल्याचे बँकेचे कार्यकारी संचालक आशिष पांडे यांनी सांगितले.