केंद्रीय मंत्री नितीन गडकरी यांची ग्वाही:पुढील वर्षी देहू-आळंदी ते पंढरपूर‎ पालखी मार्ग पूर्ण होणार, दुपदरी रस्ता चाैपदरी होणार

संत ज्ञानेश्वर पालखी मार्ग सहा‎ पॅकेजमध्ये असून १२ पालखी स्थळे‎ आहेत, तर संत तुकाराम महाराज‎ पालखी मार्ग तीन पॅकेजमध्ये असून‎ दाेन्ही पालखी मार्गाचे काम जलदगतीने‎ करण्यात येत आहे. या मार्गावर ११‎ पालखी स्थळे आहेत. एक वर्षाचे आत‎ पालखी मार्गाचे काम पूर्ण करण्यात‎ येईल. नवीन वर्षात सुरुवातीलाच‎ पालखी मार्ग वारकऱ्यांना उपलब्ध‎ हाेईल. आगामी तीन महिन्याचे आत ६०‎ ते ७० टक्के काम या मार्गाचे पूर्ण हाेईल‎ आणि डिसेंबरअखेरपर्यंत सर्व कामे पूर्ण‎ करण्यात येतील. पुढील वर्षी‎ पालखीमार्गाचे उद्घाटन करण्यात‎ येणार आहे, अशी घाेषणा केंद्रीय‎ वाहतूक मंत्री नितीन गडकरी यांनी‎ शनिवारी पत्रकार परिषदेत केली.‎

नितीन गडकरी म्हणाले, पालखी‎ मार्गावर दुपदरी रस्ता चाैपदरी‎ करण्यात आलेला आहे. शेवगाव येथे‎ गजानन पालखी मार्गावर टाइल्स‎ लावून मध्ये गवत लावण्यात आले‎ आहे. त्यामुळे भाविकांचे पाय भाजत‎ नाहीत. अशाच प्रकारे या मार्गावर‎ व्यवस्था करण्याचा प्रयत्न आहे,‎ असेही गडकरी यांनी या वेळी‎ सांगितले.‎

देहू व पंढरपूर पालखी मार्गाची पाहणी‎ महाराष्ट्रातील देहू व पंढरपूर या दोन‎ महत्त्वाच्या धार्मिक स्थळांना‎ जोडणाऱ्या श्री संत तुकाराम महाराज‎ पालखी मार्गाची केंद्रीय वाहतूक मंत्री‎ नितीन गडकरी यांनी खासदार रणजीत‎ सिंह नाईक निंबाळकर यांच्यासह‎ शनिवारी हवाई पाहणी केली. सदर‎ महामार्ग ''हरित मार्ग ''करण्यात यावा या‎ दृष्टीने आवश्यक त्या उपाययोजना‎ करण्याच्या सूचना केंद्रीय मंत्री नितीन‎ गडकरी यांनी यावेळी संबंधित‎ विभागाच्या अधिकाऱ्यांना दिलेले‎ आहेत. श्री संत तुकाराम महाराज‎ पालखी मार्ग (राष्ट्रीय महामार्ग - ९६५‎ जी) हा १३० किमी लांबीचा महामार्ग‎ पुणे जिल्ह्यातील पाटस - बारामती -‎ इंदापूर - अकलुज - बोंडले पर्यंत‎ विकसित करण्यात येत आहे. या‎ मार्गावर एकूण ११ पालखी स्थळे असून‎ वारकऱ्यांच्या सोयीसाठी या सर्व‎ ठिकाणी आवश्यक त्या सुविधा‎ उपलब्ध करून देण्यात येतील, असेही‎ गडकरी यांनी या वेळी बोलताना‎ सांगितले.‎