सत्तासंघर्षावर उद्या सुप्रीम कोर्टात निकाल!:राज्यपाल रमेश बैस यांचा महाबळेश्वर दौरा लांबणीवर

अनेक दिवसांपासून प्रतीक्षा असलेला महाराष्ट्रातील सत्तासंघर्षावरील निकाल उद्या लागण्याची शक्यता आहे. या पार्श्वभूमीवर महाराष्ट्राचे नवनिर्वाचित राज्यपाल रमेश बैस यांच्या महाबळेश्वर दौऱ्यासंदर्भात महत्वाची माहिती समोर आली आहे. राज्यपाल रमेश बैस हे दि. 10 मे ते 17 मे पर्यंत महाबळेश्वर दौऱ्यावर येणार होते. मात्र, त्यांचा दौरा अचानक लांबणीवर गेला आहे. सत्तासंघर्षावरील निकालाच्या पार्श्वभूमीवर हा दौरा लांबणीवर पडल्याचे समजते.

पहिलाच दौरा, तोही गेला लांबणीवर

महाराष्ट्राचे राज्यपाल हे दरवर्षी उन्हाळ्याच्या सुट्टीत थंड हवेचे ठिकाण असलेल्या महाबळेश्वरला येतात. राज्यपाल पदाची सूत्रे घेतल्यानंतर रमेश बैस यांचा दि. 10 ते 17 मे असा दौरा निश्चित झाला होता. परंतू राज्यपालांचा पहिला महाबळेश्वर दौरा अचानक लांबणीवर गेला आहे. राज्यपाल रमेश बैस हे पहिल्यांदाच सातारा जिल्ह्यात येत असल्याने प्रशासनाने राज्यपालांच्या दौऱ्याची तयारी केली होती. या दौऱ्याच्या निमित्ताने विविध कार्यक्रमसुद्धा झाले असते. मात्र, हा दौरा लांबणीवर गेला असल्याची माहिती प्रशासनाकडून देण्यात आली आहे.

ही बातमीही वाचा...

शिंदे Vs ठाकरे:महाराष्ट्राच्या सत्तासंघर्षावर उद्याच सुप्रीम कोर्टाचा फैसला; न्यायालयीन कामकाजातही उल्लेख

गेल्या दहा महिन्यांपासून सर्वोच्च न्यायालयात सुरू असलेल्या राज्याच्या सत्तासंघर्षाचा निकाल उद्या लागणार हे निश्चित झाले आहे. सर्वोच्च न्यायलयात उद्याच्या कामकाजाच्या यादीत महाराष्ट्राशी संबंधित दोन महत्त्वाच्या प्रकरणांचा निकालाबाबत उल्लेख असल्याचे स्पष्ट झाले आहे. त्यामुळे उद्या कुणाच्या पारड्यात निकाल जातो हे उद्या सकाळी अकरानंतर समजू शकणार आहे. याप्रकरणी उद्या सर्वोच्च न्यायालयाचा सकाळी अकरानंतर निकाल अपेक्षित आहे. (वाचा पूर्ण बातमी)