अपघात:पुण्यात कात्रज-कोंढवा रस्त्यावर अपघातात पती-पत्नी जागीच ठार, अज्ञात वाहनाची जोरात धडक

कात्रज-कोंढवा रोडवर इस्कॉन टेंपल चौकाजवळ आरएमडी शाळेसमोर अपघातात पती-पत्नी शुक्रवारी सकाळी साडेसात वाजण्याच्या सुमारास घडली आहे.

ज्ञानेश्वर वाल्मीक लवांडे (वय -50 वर्षे ,राहणार कपिल मल्हार बाणेर गाव, पुणे) आणि उषा ज्ञानेश्वर लवांडे( वय- ४५ वर्ष ) असे अपघातात मृत झालेल्या दोघांची नावे आहे.

अज्ञात वाहनाची धडक

दोघे पती-पत्नी सकाळी अॅक्टीव्हा दुचाकीवरून जात होते. त्यावेळी अज्ञात वाहनाने धडक दिल्यामुळे त्यांचा जागीच मृत्यू झाला. अपघातानंतर कोंढवा पोलिस घटनास्थळी दाखल झाले आणि त्यांनी दोन्ही मृतदेह ताब्यात घेऊन ससून रुग्णालयात शववि्छेदनासाठी पाठवले.

दहाव्याला जात असताना अपघात

पोलिसांनी दिलेल्या माहितीनुसार,लवांडे दाम्पत्य हे बाणेर वरून कोथळे पुरंदरकडे दहाव्याच्या कार्यक्रमासाठी जात होते. कोंढवा परिसरात आरएमडी शाळेसमोर कात्रज- कोंढवा रोड कोंढवा बुद्रुक येथे त्यांची दुचाकी क्रमांक एम एच12 व्ही एच 9789 होंडा एक्टिवा गाडी वरून जाताना त्यांना अज्ञात वाहनाने जोरात भीषण धडक दिल्याने त्यांचा अपघात झाला. या अपघातात दोघांचा मृत्यू झाला आहे.

या अपघाताची माहिती मिळताच, कोंढवा पोलीस घटनास्थळी दाखल झाले. त्यांनी सदर परिसरातील सीसीटीव्ही फुटेजची तपासणी करत तसेच स्थानिकांकडून पसार झालेल्या वाहनाची आणि वाहनचालकाची माहिती काढण्याचे प्रयत्न सुरू केले आहे.