आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

चोरीचा नवा फंडा:पुण्याच्या चाकणमध्ये पैसे चोरण्यासाठी जिलेटिनने ATM उडवले, 28 लाख रुपये घेऊन फरार झाले आरोपी

पुणे6 दिवसांपूर्वी
  • कॉपी लिंक
  • एटीएममध्ये स्फोट करून पैसे चोरण्याची राज्यातील पहिली घटना

महाराष्ट्राच्या पुणे येथून एक आश्चर्यकारक प्रकरण समोर आले आहे. येथील बॅंकेचे एटीएम लुटण्यापूर्वी चोरट्यांनी ते स्फोटकांनी उडवून दिले आणि मग तो स्फोट झाल्यानंतर त्यांनी त्यात ठेवलेला पैशाचा बॉक्स घेऊन फरार झाले. ही घटना रात्री उशिरा घडली त्यामुळे स्फोटात कोणीही जखमी झाले नाही. सध्या एटीएममध्ये बसवण्यात आलेल्या सीसीटीव्ही कॅमेर्‍याच्या सहाय्याने पोलिस या प्रकरणाचा तपास करत आहेत.

मिळालेल्या माहितीनुसार, चाकणच्या महाळुंगेच्या भांबोलीतील मुख्य रस्त्याच्या कडेला असलेल्या हिटाची कंपनीच्या एटीएममध्ये रात्री अडीचच्या सुमारास ही घटना घडली. हे ठिकाण मुख्य शहरापासून सुमारे 20 कि.मी. अंतरावर आहे. एटीएममधून 28 लाखांची चोरी झाली आहे. स्फोटानंतर काही लोक स्थानिक घटनास्थळी पोहोचले असता आरोपी घटनास्थळावरून पळून गेले होते. या घटनेत दोनपेक्षा जास्त लोकांचा सहभाग असल्याचा पोलिसांना संशय आहे. माहिती मिळताच स्थानिक पोलिस आणि श्वानपथकाची टीम घटनास्थळी पोहोचली आणि तपास सुरू केला.

एटीएममध्ये स्फोट करून पैसे चोरण्याची राज्यातील पहिली घटना
एटीएम प्लास करुन पैसे लूटण्याची ही महाराष्ट्रातील पहिलीच घटना आहे. मध्य प्रदेशच्या जबलपूरमध्ये जानेवारीत अशीच एक घटना घडली होती. पोलिसांनी दिलेल्या माहितीनुसार एटीएम उडवण्यासाठी जिलेटिनच्या कांड्या वापरल्या गेल्या आहेत. यापूर्वी पुण्यात एटीएम लुटल्याच्या बर्‍याच घटना घडल्या परंतु यामध्ये एकतर मशीन गाडीला बांधून ओढण्यात आली किंवा मग गॅस कटरने कापण्यात आली. आता जिलेटिनच्या काड्या आरोपीपर्यंत कशा पोहोचल्या याची चौकशीही पुणे पोलिस करत आहेत.

ATM मध्ये होते 40 लाख रुपये
पोलिस उपायुक्त (डीसीपी) मंचक इप्पार म्हणाले, 'सीसीटीव्ही कॅमेराच्या तपासात समोर आले आहे की, एटीएमच्या आत अखेरच्यावेळी दोन लोक आले होते आणि ते बाहेर गेल्यानंतर स्फोट झाला. स्फोटामुळे बरीच कॅश जळाली. ते सगळीकडे पसरलेली कॅश बॅगमध्ये भरुन फरार झाले.'

डीसीपीने म्हटले, 'बँक अधिकाऱ्यांनुसार डिस्पेंसरमध्ये जवळपास 40 लाख रुपयांची रोकड होती आणि जे काही राहिले आहे त्यावरुन समजते की, चोर 20 ते 30 लाख रुपयांची चोरी करण्यात यशस्वी झाली आहेत. 4 टीम प्रकरणाचा तपास करत आहेत आणि विविध पुराव्यांवर काम करत आहे.'

बातम्या आणखी आहेत...